日本有唔少人妻類成人漫畫，而呢類作品歸類為「妄想」系列，事關可以滿足男士嘅性幻想。雖然呢類題材嘅作品有好多，但講到近年最受歡迎嘅，就不得不提出自成漫家本田華宇手筆嘅《人妻終結》，除咗主打巨乳人妻夠吸引外，敍事手法亦夠特別，令人愈睇愈投入。
喺好多人眼中，成漫家應該係專職創作十八禁漫畫，咁諗法就大錯特錯。就以本田華宇為例，雖然佢喺成漫界出道，推出過多本人氣成人漫畫，但其實佢畫過唔少少年喜劇漫畫，並且獲得極高人氣。好似喺2009年推出嘅《紅白機神》，本身係電玩迷嘅佢，將自己對紅白機遊戲深入嘅認識糅合於故事之中，透過鍾意打機嘅男主角，以及紅白機神「哈咪」相遇嘅故事，成為極受歡迎作品。此外，科幻作品《禁止入侵！！純血特區！》以人類變身成獸人以對抗神秘病毒嘅故事，深得少年漫畫迷歡心。當然，華宇喺少年漫畫所取得嘅成績，點都及唔上喺成漫界咁厲害，好似《你的天堂工作》、《Sweet！斑鳩先生》、《機械人三姊妹》等，都係華宇嘅人氣之作。成熟又細膩嘅畫功，不但令畫面睇起嚟更舒服及富有美感，最重要係佢擅長描繪性愛場景，以動感十足嘅畫面，令成漫迷單憑眼睛，就已經感受到曳曳嘅激烈氣氛。
喺佢嘅最新作品《人妻終結》中，更運用環環緊扣式嘅敍事手法，帶畀成漫迷耳目一新嘅感覺。乜嘢叫做環環緊扣呢？一般嘅成漫好多時都係以幾個唔同單元故事，合輯成一本單行本漫畫推出，視為短篇成漫集。
不過呢本《人妻終結》卻唔同，雖然佢以多個唔同人物故事組合而成，但每個單元故事嘅人物卻同下一個古仔有關，例如第一個古仔中嘅外賣仔男主角涉，同個寂寞人妻一之瀨花菜子搭上咗，兩人激戰連場，到第二個古仔就會見到外賣仔涉同佢個朋友良彥分享嗒人妻事件，搞到良彥個心籮籮攣，結果同宿舍管理員巨乳人妻棚田美里搞埋一齊。呢種環環緊扣嘅好處，在於成漫迷欣賞時，成個故事可以更加連貫。華宇希望透過呢種手法營造出好色人妻嘅世界，故意喺最後嘅第10話故事中，將前9話嘅巨乳人妻全部畫晒出嚟做個大總結。此外，呢本漫畫中嘅人妻類型相當多，從宿舍管理員、記者、護理員、上班族等乜都有，不但可以滿足成漫迷，而胸前極為激凸嘅人妻，更可以畀到胸奴迷美妙嘅視覺娛樂。
作者：本田華宇
出版：天使出版
頁數：190頁
撰文：魂