脫星都係星，有冇諗過佢哋出巡登台會好似大明星咁有星級待遇，以住宿為例，明星就入住酒店總統套房，而礙於脫星定位有啲尷尬，你估佢哋又住邊呢？原來佢哋都有Luxury Model House（口架）！類似嘅Model House市場唔少，通常都係租畀同成人行業有關名人，但未知係咪經濟麻麻，最近有間「脫星豪宅」就喺成人網站拉客，歡迎各機構或個人租住噃！
呢間Model House好巴閉，位於加州San Fernando Valley山上夠晒私隱，樓高兩層，每層面積達3,000平方呎，報稱有4間大房，而主人套房內更有50吋大電視及足夠容納三個人浸嘅浴缸，加上超大廚房、健身房，洗衣房、兩個客廳及無遮無擋無敵靚景，仲有每日專人執屋清潔！莫講話脫星，係人都想入去住啦！你同我恨吓好喇，但細佬估唔到一位叫Kate England嘅奀星，居然接受訪問時話，有一次出巡住過呢間Model House噃，阿妹對傳媒話非常乾淨又舒服，有家嘅溫暖感覺之餘私隱度極高，喺呢度住一定唔會令人失望，講完等於無講，不過細佬就認為既然脫星仔都住得，咁一班講行頭嘅大脫星又點會肯住呢？
撰文：祖