能夠名揚四海，梗係光宗耀祖啦，不過機會唔係人人都有，最近AV女優組合棉花糖3D+就搵到呢個機會喇。早前日本搞咗個「FiveStars 2015 × JAPAN EXPO 2015 in Los Angeles」預選賽活動，邀請到樂壇多個組合參加，棉花糖3D+亦有幸參與。活動當中，眾多組合施展渾身解數，以歌聲同舞藝喺舞台上互相比併，爭奪一個揚威海外嘅機會。活動中嘅評委會根據表現挑選出幾隊組合，喺10月中飛去美國洛杉磯舉辦嘅「JAPAN EXPO 2015 in Los Angeles」演出，為宣傳日本文化出一分力。雖然預選賽過後仲要一段日子至公布遠赴美國表演嘅名單，但係暫時睇嚟棉花糖3D+嘅獲選機會相當高，希望呢班巨乳美少女能夠威到去美國啦！