男神都會有失手一刻！呢幾年由四仔界橫跨到潮流界，集老闆、導演及作家於一身嘅James Deen，睇過佢四仔都一定知佢乜水，就係四仔界男神，食女無數，係唔少巴打嘅偶像，佢講嘅嘢個個都會聽，但未知係咪言多必失，本來James哥好心為業界黑男爭取合理權益，結果被人唱佢偽善，所以話水真係唔好亂抽！
一直以來，黑人男優喺四仔界都係被冷落嘅一群，加上近年美國黑白人種問題搞得咁惡劣，你話冇受牽連就假嘅，就正如早前細佬講過「黑男網」忽然崛起，網站清一色黑男搞囡囡，而同一時間亦有白男優專砌黑妹，表面上係要打成平手，實情咪又係背後班老闆搞風搞雨，製造話題谷瀏覽量賺錢囉！但呢啲都只係商業操作，平衡到各方利益就乜事都冇，點似得「男神」James Deen咁，以為自己客串過潮流網站編輯，寫過吓兩性關係就當正自己係「四仔良心」。早前James接受網站訪問，表示試過幾次搵黑人男優喺佢旗下網站同白妹拍四仔，結果統統被Agency及脫星雙雙拒絕，前者聽到玩異族色情，就叫男神咪搞咁多嘢，而脫星更即時耍手擰頭，更形容同黑男執劑等同係事業終結喎！整個訪問當中，James替黑男不值之餘，更暗諷白妹有歧視黑男之嫌！
問題嚟喇，封男神為偶像嘅巴打同絲打當然認為「神」講乜都啱，但作為業界人士嘅就唔多Buy佢噃！自James哥呢篇訪問出街，一位講完你唔識，睇完你唔會認得嘅亞裔脫星Kora Peters撰文「反擊」男神，指呢個並非歧視問題，純粹係個人喜好而已。其實阿妹都唔係無道理（口架），文中開首佢就話自己身為喺美國搵食嘅亞裔脫星，歧視問題似乎完全同佢無關。Kora以自己做例子，佢最希望同亞裔男優交手，如果真係有得選擇都唔想同黑或白人過招，無奈四仔界亞裔男優十隻手指數得晒，阿妹強調選擇同自己種族合作絕對唔係歧視。阿妹又話，要證明無歧視有色人種，係咪一定要同對方執劑先得呢？Kora妹愈講愈激氣，反指業界所謂「歧視」都只在乎「黑白之爭」，其實亞裔男女至係被冷落一群，女嘅等於要同所有膚色男女搞嘢，男嘅就永遠排到最後等級，呢啲先稱得上歧視喎！自呢單料一出，網民撐爆Kora妹，同時插爆男神James表面上借有色男優平權行為「偽善」，所以話水唔可以亂抽嘅！
多年來脫星一直認為「白妹同黑男」過招，等同事業走到盡頭，情況就等同AV女優中出100連發後就宣布引退咁上下，因此有得揀白妹都唔會同黑男搞，免得被外界睇死或定型，除非兩個可能性，一係準備收工，一係學似「四仔潮人」Sasha Grey或Katsuni思想咁前衞，一入行就不問膚色，來者不拒，呢兩位可算係四仔「先驅」，退休後到依家仲咁紅呀！
業界有咁多四仔脫星，當中有人肯同黑男搞，亦有人唔肯制，而肯搞嘅會高調四圍宣傳，唔肯嘅就會選擇唔出聲，從來無人敢學似籮霸Alexis Texas咁講到明唔同黑男交手咁把炮，阿妹受訪時話「No Black Guys for Me, Please！」喺佢多年嚟嘅四仔生涯中，阿妹經常玩異族色情，尤其係亞洲男搞得最密，偏偏就冇黑人，係歧視定個人選擇，巴打自己諗喇！
撰文：祖