颱風雖然有威脅性，甚至有極強殺傷力，卻又有唔少人鍾意風中追逐，不過咁危險嘅行為在下絕對唔鼓勵，以免害己又害人咁冇陰功，有颱風來襲定當乖乖地留喺安全地方，覺得悶咩？咁就細心用眼欣賞一下來自日本水着界嘅超強威力「豐球」啦！
混血美女一般都特別令男人注意，原因係佢哋大多氣質獨特，且身材曼妙，而喺日本水着界發展嘅混血女優當然迷死人啦！唔信大家可以欣賞一下小弟最鍾意嘅水着妹小林惠美。
惠美雖然已經三十過外，但係面上完全冇歲月留痕，綺麗絕倫嘅美艷面孔加上閃亮嘅雙瞳，足以令任何男人都神魂顛倒。睇真少少，惠美個樣有啲似混血兒，冇錯，原來阿妹嘅祖先可謂為國光爭光，其外曾祖母乃係俄羅斯人。惠美擁有俄國血統不但特別靚女，肌膚仲好似俄國美人咁雪白，身材亦同樣豐滿，胸前嘅純天然F Cup雙峰更幫助惠美喺水着界確立王者地位。
最近惠美再次活躍於藝能界同水着界，《Sweet Love Affair》正係其本年度推出嘅第二隻寫真DVD，當中換上多款酥胸大露嘅細碼緊身比堅尼，雖然做嘅動作唔會好似青春派水着妹咁又跑又跳搞到波彈彈，但係惠美魅力濃厚，舉手投足都散發攝人神韻，見到佢一邊用電眼望鏡頭，一邊輕托酥胸同咬埋手指，問世間邊個男人可以抵抗得住？
經典嘅美國英雄漫畫《蝙蝠俠》除咗主角受歡迎，貓女郎亦係一個人氣極高嘅角色。貓女郎人如其名身手好似貓咁敏捷，性格亦一樣對蝙蝠俠時好時壞，真係令人又愛又恨，不過水着界呢位人氣貓女郎就一定令大家愛不釋手，佢就係
和地司喇。和地司於2013年出道，人氣與日俱增，被喻為有潛質成為新一代水着天后。和地司身高5呎唔夠，之不過咁嘅身高正好配合其萌系美少女路線，其精靈且圓睩睩嘅大眼睛亦被評為可愛貓眼，大大增加大家對其印象嘅深刻程度。除咗雙眼，仲擁有一對與其身高絕對唔配合、足足有成35G嘅巨型大肉球！呢對G奶飽滿堅挺兼具彈性，絕對係一對極品好波！要盡情欣賞，大家可以睇吓阿妹嘅最新力作《更想擁抱的》。於新作當中，和地司穿上性感裝束將其驕人大肉球盡情展露，再玩埋夾胸倒奶兼托波，讓G奶嘅彈性同質感畀晒大家睇，睇完後真係好想將佢擁抱一番。
撰文：賢