啱啱喺8月24日華麗完成嘅台灣成人博覽會，雖然展場內索爆Show Girl雲集，但係講到重頭戲莫過於大會搵嚟7位人氣AV女優坐鎮。舞台上扮相性感嘅佢哋，固然令現場粉絲起哄聲不斷，加上超玩得又熱情嘅態度，跟粉絲大玩香艷互動遊戲，令現場氣氛推至頂峰。依家一齊回味當日女優們嘅火辣演出啦！
每屆大會都會搵嚟人氣AV女優擔任表演嘉賓，而今年則搵嚟號稱「人類最強Body」沖田杏梨、「巨乳傻大姐」千乃杏美、葉月美音、彩乃奈奈同AIKA 5位女優，加埋日本片商TMA加碼邀請到場嘅上原亞衣及水菜麗，以7人波濤「胸」湧組合同粉絲喺舞台上大玩色香味兼備嘅火辣遊戲。當日大會先安排一班俄羅斯女郎表演「拉斯維加斯華麗迎賓秀」，透過激情澎湃又極具視聽享受嘅艷舞揭開序幕，宣告舞台騷正式開始。
接住係沖田杏梨同千乃杏美聯手炮製「扭股猜猜猜」嘅香艷環節，玩法係先抽出8位粉絲，然後兩位女優分別從主持手上睇吓係咩數字，再扭動美股將數字「寫」番出嚟，粉絲就要鬥快舉手估出數字。咪睇呢個遊戲好似好簡單，其實好講求腰馬合一，現場所見杏梨嘅腰功真係一流，班粉絲好快就估得到，而杏美則可能美股太過誘人，搞到粉絲流晒口水而唔記得估數字。玩完遊戲梗係唔少得派獎品，每組嘅冠軍得主都可獲得女優現場親筆簽名海報，兼且可以嚟個熱情抱抱。
不過講到最過癮兼且最香艷嘅，莫過於上原亞衣同水菜麗嘅遊戲環節「敲敲打打」。玩法係先讓粉絲腰間綁上湯勺，而女優則拎起個湯煲擺喺美股之上，跟住粉絲就要發動腰力令湯勺瘋狂敲打湯煲，喺限時之內敲打得最多次嘅為之勝出。一眾粉絲喺主持人發施號令下，好似開咗Turbo咁起勢咁敲，「嘭嘭」聲此起彼落，兩位女優更配合粉絲嘅動作七情上面不特止，仲要發出令男士為之動容嘅呻吟聲。喺呢種另類嘅加油聲中，粉絲自然愈敲愈起勁，台下觀眾更係睇到流晒口水！一輪既激烈又香艷嘅比賽過後，勝出者嘅獎品竟然係獲得兩位女優嘅簽名底褲！
可能有見兩個遊戲未能夠滿足粉絲已被燃起嘅烈火，於是沖田杏梨及千乃杏美再次登場，同粉絲玩「我倒你接」遊戲。粉絲頭頂一個膠桶，然後用膠桶接住女優拗腰倒落嚟嘅乒乓波，邊個接得最多嘅就贏。呢個遊戲嘅重點並非睇邊個幸運兒勝出，而係睇見兩位女優拗腰時凸顯出嚟嘅車頭燈，真係好養眼！贏出嘅粉絲可以同女優隔住塊勁薄嘅膠紙嚟個安全之吻，感覺認真香艷。可能有人會問明明有7位女優，點解呢日只得4位出場呢？理由係展期長達4日，故此每日都有唔同女優登場。
能夠成為幸運兒上台同女優玩遊戲，首先係要買博覽會嘅福袋，跟住就有優先權同女優玩香艷互動遊戲。話時話，呢個福袋都幾抵買，內裏有總值6,000台幣嘅情趣用品，只不過賣3,000台幣，仲有得玩遊戲，難怪一眾粉絲瘋狂搶購。
特派記者：魂