喺2003年推出嘅日本十八禁遊戲《cocoro》，當年不知幾咁受歡迎，更傳聞好快推出續集，只係一直只聞樓梯響。事隔12年後嘅今日，遊戲商Q-X終於公布推出續集《cocoro Restarter!》，更搵嚟原班人馬製作，務求貫徹情慾高漲嘅火辣勁作！新作中嘅人物同前作有極大關係，而故事亦承接前作而發生。話說超宅男主角悠斗受惠於前作發生嘅虛擬世界大混亂後，以致網絡管制大幅放寛嘅情況下，每日都享受虛擬世界生活嘅樂趣。點知有日網管權限突然被收窄，而佢更發現網聊軟件「cocoro」被強行更新至次世代版本，混亂間佢被網絡所吸收，跌入一個未知世界之餘，更同謎之美少女艾爾法相遇。對方稱悠斗要同佢一齊成為網絡巡回者，透過網絡為唔同嘅美少女解決心理同生理嘅需要。