做愛做嘅事一定要你情我願，千祈咪夾硬來，但係想知道自己今晚同女伴有冇機會深入發展呢？近四成日本女仔就話畀男仔摸而唔抗拒就表示OK！好多男人都話房事次數少同工作壓力有關，事實上相反，有調查指上床次數多，事業都會特別成功。做瑜伽運動有益身心，有研究仲發現女性做瑜伽可以增加喺房事中獲得高潮嘅機會添。
最近本地有調查訪問女仔，問佢哋同男友仔拍咗拖幾耐至會曳曳，當中有唔少女仔答話只需要一個星期，睇嚟香港女仔都幾開放喎。之不過，點先知道自己同女友係咪能夠踏出呢個咁重要嘅一步，能夠同對方上床作深入了解呢？早前日本有調查搵來二十來歲嘅女仔群組協助，問及佢哋有關性暗示方面嘅問題，睇吓男仔畀咩動作，而女仔畀咩反應代表今晚有機。有38.5%嘅女仔話如果男仔用手接觸到佢哋嘅身體，而佢哋又唔反抗的話，就表示今晚可以同個男仔上床。14%嘅女仔話女方將身體依靠住男方亦代表可以上床。另外亦有女仔話特登趕唔上尾班車、扮眼瞓、扮飲醉酒都有機會表示默認男方可以再進一步。當然，點暗示都好，如果個女仔喺臨門一腳嘅時候表示抗拒，就一定唔可以霸王硬上弓啦。
歌都有得唱：擒高擒低靠腰力靠腳力。就算唔係勞動階層，每日喺辦公室都要面對好多壓力，搞到身心疲累，返到屋企有時只希望沖個涼，然後食完飯就攤喺床休息，老婆要求「交功課」？下次先啦！邊有體力搞咁多嘢喎。老實講，慰藉老婆係老公不可推卸嘅重要責任，再者做愛其實有助事業發展喎。英國有研究探索工作同性愛嘅關係，負責人Rebecca Reid從研究結果得知，每周做愛兩至三次嘅人比起少於呢個做愛次數嘅人為多，兩者嘅差距為百分之四點五。雖然差距唔算好大，但係Rebecca Reid就表示我哋可以透過做愛嚟平衡心理、宣洩壓力，佢仲話交歡過程令大腦分泌令人開心興奮嘅賀爾蒙例如安多芬，開心之餘仲令人變得更加正面同積極，從而增強工作嘅動力，自然有助事業發展啦。
現時好多女仔都鍾意做運動，目的除咗係瘦身減肥，仲希望可以紓緩生活壓力。而眾多運動當中，唔少女仔都選擇玩瑜伽。英國女仔亦唔例外，瑜伽導師Maxine Frith表示女性練瑜伽可以令身心放鬆，而部分動作以及呼吸方法都有助鍛煉女性嘅會陰肌肉，令佢哋可以喺交歡嘅時候獲得高潮。另一方面，瑜伽亦包含冥想練習，同樣有助女性喺冥想當中學會如何釋放自己嘅慾望以及喺交歡過程當中投入其中。而Maxine Frith仲話練習瑜伽嘅過程當中亦可以獲得高潮，稱呢個現象為「Yogasm」，不過要去到呢個咁高嘅境界一定要學習相關方法，仲要作長時間練習喎。
撰文：賢