沈佳熹 完美索女

經常聽到有人話呢個世界冇完美嘅人,又話每個人總會有缺點,以前真係信到十足十,只係今時今日真係懷疑呢句說話嘅可信性。點解咁講?理由好簡單,試問呢個世界又點會有人好似內地嫩模沈佳熹咁,既有樣貌又有身材,仲要有埋學識同投資智慧,你話呢句說話係咪呃人先!

睇得演得

現年24歲,出生於上海,暱稱Kitty星辰嘅索模沈佳熹,雖然喺去年先至正式投身模特兒行列,但實際上喺入行前,已有相當嘅攝影模特兒經驗。能夠喺模特兒界生存咁耐,足以說明佢的確擁有超凡實力。事實上,佢唔單止五官標致,身材更係火辣,先唔講佢條22吋纖腰,單係一對E罩杯車頭燈,已足以成為男士嘅焦點,難怪於去年推出處女寫真集後,即時引嚟大家嘅哄動。除咗迷人嘅身材、性感嘅寫真吸引,不少男士亦被佢充滿自信嘅眼神所迷倒。咪以為佢只係當寫真模特兒,阿妹同時亦進軍微電影界,並且喺多部作品中亮相,名副其實係睇得又演得嘅索女。

金融才女

正當大家嘅焦點落喺佢魅力非凡嘅外形,卻忽略咗佢其實仲有其他嘅專長,就係擁有金融系嘅大學學歷。如果咁樣都覺得未夠厲害,再話畀你知,佢亦係清華大學MBA課程嘅研究生,試問有邊位辣模能夠擁有如此高嘅學歷呢?可能有人話,佢呢個學位未必係考番嚟嘅。如果咁諗嘅話就錯喇!事關從佢個人微博中可睇出,佢唔單止認真學習,更經常上載喺大學上堂嘅相,而當年為咗考取學位,曾經喺英文上花過相當大嘅工夫。從呢點更可證明,呢位索模唔單止有美貌,智慧亦相當高。大家唔好以為佢係位書呆子,喺工作同學業嘅同時亦鍾意運動,尤其羽毛球更係每星期必打一次或以上。據佢講,咁樣唔單止練出體能,仲可以保持美好嘅身材。

個人微博  

沈佳熹絕對係個值得人哋妒忌嘅女人,事關試問呢個世界點可能有人會咁完美呢?不過話又講番轉頭,雖然佢有樣有身材又有學識,但佢嘅性格卻平易近人,又好鍾意喺網上同人分享生活點滴。如果唔信,大可以去佢個微博用自己對眼嚟驗證。

網址:www.weibo.com/u/5113935454

沈佳熹Profile

出生地:上海

身高:162cm

三圍:33、22、34

撰文:魂