每年喺多倫多舉辦嘅電影節，都會同呢間脫衣舞夜店扯上極大嘅關係，點解？事關呢間名為Brass Rail嘅艷舞夜店，每到呢個時候都會吸引嚟自全球各地嘅明星捧場，名副其實係處觀星嘅好地方。事實上，呢間喺當地人氣極高嘅夜店，除咗獲得明星支持外，平時亦係人頭湧湧。佢迷人處在於本來位於一條舊鐵路上嘅多層式夜店，佢嘅一樓大廳以富有現代感嘅設計打造而成，呢點正好同佢所身處歷史悠久嘅地點有強烈嘅對比。此外，裏面仲設有餐飲區，方便玩家欣賞養眼艷舞之餘，可以同朋友喺度享受美食。如果想感受一下明星級享受，梗係唔可以錯過位於夜店上層嘅VIP房。大到嚇親人嘅房間，裏面嘅設施真係應有盡有，不但有獨立酒吧、舞台、影音系統等等，仲要有專人為玩家提供服務，否則又點能夠凸顯出明星級嘅身份呢？