石川戀 倒數第一美人

俗語話執輸行頭慘過敗家,讀書考試梗係要考第一,就算排隊買串魚蛋最好都要霸頭位。不過,排第尾又係咪咁差呢?大家睇吓石川戀就知道一定唔差,索到啪啪聲,但係點解佢又會被稱為「倒數第一美人」呢?梗係有段古啦。

索腿靚偈

喺日本水着界憑巨乳稱霸嘅梗係要數到杉原杏璃同原幹惠啦,至於靠股上位嘅就有秋山莉奈以及倉持由香。不過,我哋男人除咗鍾意睇胸同臀,亦同時喜愛欣賞水着女優雙腿,以修長美腿聞名嘅就有池田夏希以及菜菜緒,未來佢哋仲會有多一個挑戰者,競逐水着界美腿天后嘅地位,呢位就係石川戀喇。22歲嘅石川戀生得嬌俏可人,美麗迷人得嚟又不失青春稚氣,無論笑同唔笑都一樣冧死麻甩佬,個人認為新一代水着女優當中,戀妹嘅美貌可以話係數一數二。上天就係咁唔公平,石川戀生得咁靚,身材仲要好得交關。阿妹擁有5呎6吋身高已經令唔少女仔羨慕不已,胸前仲有一對D奶,加上腰幼又臀圓,嘩!乜索得咁緊要呀!

健美嫩模

石川戀喺19歲加入水着界拍寫真,之前就以現役大學生身份進軍模特兒界,成為時裝雜誌《JELLY》嘅模特兒,憑住過人美貌以及高挑婀娜嘅身材而備受注目。之後,石川戀漸漸人氣上升,今年更加挾住喺雜誌累積嘅強勁人氣進軍寫真界,4月推出嘅第一隻寫真DVD《初戀》就成為攀上網購網站亞馬遜嘅相關作品銷售榜嘅冠軍位置,可謂氣勢如虹!雖然阿妹攞過銷量冠軍,但係每當傳媒報道其消息嘅時候,都會用「倒數第一」稱呼,乜阿妹好差咩?非也!其實係上年參演過一部由小說改編嘅電視劇《倒數第一Gal》,當中石川戀表現出色令人留下印象,故大家都叫佢做倒數第一美人囉!近期,石川戀雖然忙碌,但係每日都有抽時間做運動,練出結實腹肌來,唔通阿妹想學鄭多燕咁出埋體操教學DVD?

個人博客

石川戀經常喺博客透露自己嘅飲食同生活有幾咁健康,大家如果想學似阿妹擁有健美嘅身材,不妨上去參考一下有乜要訣。

網址:http://ameblo.jp/anna6969/

石川戀Profile

年齡:22歲

身高:5呎6吋

三圍:33-22-33

撰文:賢