家陣嘅十八禁遊戲，如果只係一味講溝女同曳曳，好難滿足到現今要求愈嚟愈高嘅玩家，因此日本人氣成人電玩商AKABEi SOFT3，就將戰鬥、育成、戀愛及曳曳多個元素合而為一，炮製出玩味十足嘅最新作品《聖騎士Melty☆Lovers》。喺遊戲中，玩家為咗要令男主角成為聖騎士，不但要溝掂一班索女幫忙升呢，仲要喺連場戰鬥中勝出至得。故事發生喺一個以成為騎士為榮嘅國家，男主角為咗成為聖騎士，於是到騎士育成學園受訓。之但係佢入到去後，發現要喺眾人中脫穎而出，先要組成二人小組至得，呢個時候佢遇上美貌與身材兼備嘅異國少女。另外，面對一眾既有實力，又具有唔同特殊能力嘅火辣索女，男主角最終能否圓夢，抑或就此成為一個慾海淫蟲，就要睇玩家嘅選擇。