男女間發生關係之後有時會出現糾紛，其中一個原因係醉後糊塗而後悔，最近美國就出現咗一個手機App，畀男女喺事前簽合約，有助解決問題。唔少人為咗擁有健美體態，日日去健身室做運動，原來上床都係一種良好嘅消脂運動。保齡球相當好玩，喺內地一個主題公園嘅另類保齡球，唔單只好玩，仲非常養眼。
唔少男人都唔多鍾意同愛侶註冊結婚，話「結婚證書只係一張紙嚟啫。」之但係愛侶依然堅持正式簽名作實，一來實際行動大於一切，二來有部分愛侶可能會諗：「唔簽紙第時離婚我咪乜都冇！」咁又係呀！冇根冇據又確係幾難搞，就好似發生一夜情咁，時不時女方都會事後反悔，最後鬧上法庭，男方真係百詞莫辯，洗定個八月十五都得喇，不過以後呢個問題有機會得到解決。最近喺歐美地區有個手機App備受爭議，名稱叫做《We-Consent》，用途係畀男女雙方喺上床之後制定合約，雙方表示同意，甚至可以合照一張相透過App記錄在案，大家喺得到共識又有根有據嘅情況下做愛。程式開發者表示希望呢個App可以令男女雙方唔會因一時衝動而做錯事，彼此尊重。
打保齡球係一種健康又好玩嘅運動，之不過，普通保齡球大家可能玩得多，但係人肉保齡球一定未玩過，我可以保證佢好玩、過癮，又好睇。早前，杭州一個水上樂園除咗上演咗一場水上音樂會，仲有場新奇又刺激嘅人肉保齡球大賽！保齡球嘅滑道由膠布鋪成，每個球樽都有人咁高，由發泡膠製成故此相當輕身，當日唔少比堅尼美女都難抵好奇貪玩之心親身一試。班美女先助跑，再瞓身衝上滑道，以自己嘅身體撞倒一批保齡球樽，認真過癮！點解得女仔參加嘅？因為班男仔全部喺旁邊睇嘢囉。
都市人家陣相當注意健康，除咗喺飲食方面關注之外，為令體態健美，會將運動培養成為習慣，而早前美國魁北克蒙特利爾大學就進行一項研究，認為做愛都係消耗卡路里嘅良好運動。美國運動生理學家Jessica Matthews就證實呢個研究，仲表示返屋企做愛好過去健身室，更搵來佢嘅運動拍檔，即係佢老公做實驗。佢同老公交歡期間用上好多運動技巧，例如將深蹲動作用嚟玩騎乘，吹奏嘅時候就做掌上壓，同一時間更戴上現時好普及嘅運動型手錶，去計吓自己喺接近40分鐘嘅交歡過程消耗咗幾多卡路里，最後得到180個卡路里呢個答案，換言之每分鐘就消耗咗4.5個卡路里，同一個正常體重人士進行快跑以及有氧舞蹈相若。不過，話時話，做愛消耗卡路里嘅效果可能係幾好，但係吓吓要做三、四十分鐘又真係幾辛苦喎！