大貫彩香 變身Mall女

香港嘅大型商場愈開愈多,之不過,唔少都係名店林立,一般普羅大眾未必有能力幫襯。相反日本就唔同喇,佢哋好多大商場唔單止品牌種類多,價錢仲甚為相宜,大貫彩香近期就變身Mall女成日流連商場,唔係因為天生購物狂,而係為大家搜羅至抵靚貨。

精靈結實

日本水着女優真係要幾靚有幾靚,要幾好波有幾好波。之不過,豐滿就豐滿喇,肌膚仲白滑鮮嫩,但係小弟覺得佢哋當中唔少都身材略胖,肉地唔得結實,感覺唔夠健康,除咗大貫彩香。今年22歲嘅彩香妹妹青春氣息濃厚且生得標致可人,一雙亮麗又有神嘅精靈明眸帶出內心嘅天真同溫馴,認真人見人愛,車見車載。睇彩香個樣就知佢活力十足,可謂無時停。事實上佢亦話過平日好鍾意做運動,特別係戶外運動,睇阿妹嘅身材應該明白佢並冇吹水。彩香肌膚帶點古銅色,一副33D-23-33嘅婀娜身材有曲線美之餘感覺仲相當結實,證明佢的確係為咗我哋嘅眼福而努力運動得出嘅成績。

特派專員

大貫彩香除咗拍水着寫真,2011年仲成為女子組合Linkstar's嘅第一代成員,實行兩棲發展。彩香喺組合當中以充滿活力嘅演出以及甜美聲線,吸引樂迷注目,喺組合當中屬人氣最高嘅一位。然而,由於要專注學業,正準備考大學嘅彩香未能夠全身投入其中,故未有大紅大紫。現時,彩香正就讀東京工藝大學藝術系,主要研習室內裝飾。不過,佢好似唔係咁專心返學喇,因為早前被傳媒影到佢同男同學行為親暱,彩香亦直認不諱話對方係自己嘅男友。依家阿妹除咗返學仲有拍寫真,亦為一個叫做《DO MALL TV》嘅電視節目做特派員。喺節目當中,彩香負責去到大型商場為觀眾搜尋至抵商品,令阿妹可以名正言順咁四圍逛商品,滿足晒購物欲。

個人博客

每次Click上大貫彩香嘅博客,都可以見到佢好多飲飲食食嘅相片,如果想感受一下彩香嘅開心生活,不妨上網睇睇。

網址:http://ameblo.jp/ohnuki-sayaka/

大貫彩香 小檔案

年齡:22歲

身高:5呎3吋

三圍:33D-23-33

撰文:賢