各位記住，呢個時勢有得撈唔好考慮咁多，乜都做咗先講。你睇吓美國脫星Nikki Phoenix，一方面喺四仔界日剝夜砌，得閒又去夜場變身「騎師」捽碟，今期仲夥拍音樂拍檔搞音樂，首支派台作品歌曲《Your Smile》，家陣喺Soundcloud已經超過150萬人次收聽，係咪威水先？老老實實，四仔迷對音樂的確冇乜興趣，但細佬想講，浮沉脫星界5年嘅Nikki妹，擁有34DDD爆咪又白又滑，應該砌贏唔少姊妹，可惜佢愈做愈霉，一個月都冇一套四仔派街，但喺音樂方面，Nikki都算有啲成績，起碼經常搞派對打碟，山大斬埋有柴呀！冇人明白Nikki喺四仔界衰乜，總之就係撈極唔起。但自從喺音樂界上到位，四仔界又向阿妹抽水，近日Juicy Entertainment老闆Jerry對傳媒表示一直覺得Nikki索到冇朋友，好希望同佢合作一套音樂四仔，由Nikki設計背景音樂，又捽又爆咁就無敵喎！哼！真係成事先講啦！