雖然美國總統奧巴馬口講改變，但係又唔見變到咩好成績出嚟，之不過改變實在係做人必要元素，唔改變又點令自己生活得更加愉快美好呢？人氣女演員內田理央最近就進行改變同進化，希望以此催谷人氣以及滿足大家嘅眼福。
今年23歲嘅內田理央喺2010年成為水着女優，後來因為擁有一副偶像級面孔而被提拔為演員，最出名嘅就係上年擔正做特撮片集《幪面超人Drive》嘅女主角喇。做完女主角，理央希望可以再下一城，於是最近推出相隔三年後再攝製嘅寫真集《Magical》。當中理央會穿上多款火辣泳衣以及誘人嘅性感內衣，將露出度大大提升，性感度大幅進化，以凸顯自己長大成人之後爆發嘅火辣魅力！
售價：約HK$195
撰文：賢