男之所以鍾意健身，而女之所以講求纖體，無非希望保持最好嘅體態，除咗為身體健康着想外，更希望擁有完美嘅Body，以吸引異性嘅目光。至於吸引嘅目的雖然不盡相同，但可以肯定嘅係，喺情慾字海中，Body呢個字絕非單純指身體咁簡單。
「Body's Captain」解做男士嘅兵器，而呢個俚語之所以產生嘅理由好簡單，試問各位男士面對身材前凸後趷嘅索女時，會用邊度嚟思考呢？答案顯而易見，亦由於咁嘅緣故，故此講到身體嘅隊長時，自然係指操控男士慾望嘅兵器。雖然家陣未有研究顯示，男人面對索女時嘅智商係咪會低啲，但德國柏林嘅研究所，進行嘅一個關於睇鹹片同大腦活動關係研究卻發現，常睇鹹片同鹹相嘅男士，紋狀體嘅活動區域會比完全唔睇嘅男士為細。不過主導研究嘅Simone Kühn博士補充指，暫未有證據肯定呢個區域嘅大小，係咪真係同經常睇鹹片及鹹相有關。
呢個世界有邊個打工仔唔係賣身畀老細，只係呢度嘅「Body Worker」並唔係指打工仔，而係指唔會提供口舌服務，只係賣身嘅妓女。事實上，喺色情業界有好長嘅一段時間，唔係咁多囡囡願意提供口舌服務。理由除咗驚有傳染病外，亦同自尊有關。講到口舌服務，曾經喺古希臘嘅色情業中相當盛行，甚至有唔少詩歌讚頌呢種行為。喺18世紀時嘅法國巴黎，由於當時妓女合法關係，故此有多達3萬名登記妓女，而有考古學家喺巴黎王宮搵到5萬份記載咗當時巴黎妓女嘅小冊子中，發現口舌服務係高級妓女取悅玩家嘅特技嚟。至於古印度則稱吹奏做「杧果汁大餐」或「拌奶」。
現今嘅日本AV女優，能夠稱得上絕色Body嘅不外乎Julia、星野娜美、明日花綺羅等，只係講到上世紀90年代，就係呢位橘真澄。喺1972年5月16日出生於東京，擁有33、23、33嘅三圍，雖然家陣睇落去唔覺得有幾勁，但喺當時嚟講已經係巨乳天后。佢喺1991年10月中以處女作《抓傷的女帝》於AV界出道，同月推出嘅《巨乳姬》更係成名作。縱然其後尚有人氣女優金沢文子、
鈴木麻奈美、夕樹舞子等出現，卻始終唔可以動搖佢喺日本AV迷心目中嘅地位。除咗擁有養眼美體外，佢嘅演技亦深得大家讚賞，而佢喺AV界引退之後，曾經參加過舞台劇及電影演出。
如果問當今美國四仔界，有邊位脫星能夠稱得上Body女神，相信非今年29歲嘅Jayden Jaymes莫屬。呢位喺2006年出道嘅脫星，憑住36DD、26、34嘅火辣身材，先喺2009年嘅NightMoves頒獎禮中，獲得四仔迷票選嘅最佳新進女脫星，其後又喺2010年AVN頒獎禮中榮獲最佳群戰場面獎，跟住喺2014年AVN頒獎禮中獲得四仔迷票選最佳美體大獎，又喺今年嘅AVN頒獎禮上勇奪最佳美乳大獎。從各個獎項中均印證到，佢嘅身體有幾咁迷人。喺演出四仔之餘，仲努力經營其個人博客及官網，據聞收入相當唔錯。雖然佢外形極為誘人，但見到佢個緋聞男友UFC格鬥家Chuck Liddell時，相信冇邊個男士夠膽埋佢身。
撰文：魂