美國嘅阿拉斯加對唔少人嚟講，係個相當偏遠嘅地方，試問點估得到當地竟然有個人氣兼古典味十足嘅艷舞夜店呢？呢間位於安克雷奇市嘅艷舞夜店Club SinRock，係間喺當地相當有名氣嘅全裸艷舞夜店。事關佢不但每晚雲集超過50位樣靚身材正嘅艷舞女郎，上演精彩嘅脫衣舞，更會到台下為玩家提供貼身辣舞享受。不過另一個令佢人氣爆燈嘅地方，在於喺美國相當少見嘅古典懷舊裝修，店內以大量木製裝飾，營造出典雅又華麗嘅氣氛，加上皮製梳化及座椅，以及柔和嘅紅色燈光，感覺好似去咗上世紀60、70年代。可能因為呢種難尋嘅古典味道，不但吸引玩家到臨尋找無與倫比嘅享受，亦有唔少人喺度舉辦各種派對，難怪店內嘅VIP房經常爆滿。