好多打工仔都百足咁多爪，同時打兩份工，甚至三份工。雖然咁樣可以增加收入，但係咁唔專心則好難應付每一份工作，甚至搞到錯漏百出！好似小泉梓咁就值得一讚喇，因為阿妹佢絕不會好高騖遠，為咗專心做好雜誌模特兒，放棄好多飛黃騰達嘅機會。
日本水着界新人輩出，老一派水着女優每日都要面對好多後浪嘅挑戰，的確壓力沉重。不過，佢哋要應付嘅仲有來自其他界別嘅索女衝擊，好似賽車女郎咁就不時跳入水着界搵食，另一方面雜誌模特兒一樣有相當大威脅，索到啪啪聲嘅小泉梓就為好多現役水着妹帶來堪比核彈嘅巨大衝擊喇。28歲嘅小泉梓同近期喺水着界呼風喚雨嘅染谷有香，都可以話係近年令小弟最印象深刻嘅模特兒。相比起擁有「寫真界最強Body」之稱嘅染谷有香，小泉梓更加美艷迷人，面上冷艷而妖艷嘅氣息有一種傲視眾生之感，如果唔係對自己嘅美貌擁有無比自信，絕對散發唔出呢種氣質。呢份自信來自小泉梓5呎6吋高、33-22-33三圍嘅無敵身材，同一時間上圍仲有一對E-Cup美巨乳，帶古銅色嘅肌膚更令呢副迷人胴體添上一份野性同神秘感，火辣程度爆晒燈！
小泉梓16歲已經做模特兒，據聞當年阿妹已發育得相當良好，故被模特兒公司以優厚條件邀請，成為多本知名時尚雜誌嘅專屬模特兒，當中尤以擔任內衣模特兒最受人注目同讚賞，原因當然係憑住一副火辣胴體將新款內衣褲嘅美感以及誘人之處完全演繹啦。小泉梓喺模特兒界仲屢獲殊榮，2011年參加時尚雜誌《Jelly》嘅模特兒選舉，從三千名參賽者當中脫穎而出成為冠軍。做咗超過十年嘅模特兒工作後，於2012年先受到《Weekly Playboy》邀請於幕前第一次以泳裝姿態曝光，由於其泳裝照得到極大回響，故好快就有人搵佢殺入水着界推出寫真集以及寫真DVD，一時之間氣勢如虹，更有唔少電視節目邀請做嘉賓，好有機會躋身藝能界。之不過，小泉梓就喺呢個時候煞停，表示現階段只會專心做雜誌模特兒工作，唔會再拍水着寫真，而之前拍低嘅就當作自己最火辣、最值得懷念嘅時光，唔知阿妹喺愛情路上又係咪咁專一呢？
小泉梓不時會將工作花絮放上博客同大家分享，從中可以見到佢相當專注模特兒工作，態度專業。
網址：http://ameblo.jp/koizumi-azusa/
年齡：28歲
身高：5呎6吋
三圍：33E-22-33
撰文：賢