長期刺激會令人產生麻木，幸好玩得多震棒同震蛋係唔會影響日後性趣。上到床與愛侶享受床笫之歡理應心無旁騖，但英國就有調查話好多男女上床都會諗起其他異性。資訊發達嘅時代，好多後生仔女都容易接觸色情資訊，逾九成未成年人士曾經睇過鹹片。
單身人士平日深感寂寞，慾火上升，往往會選擇自娛，安慰一番，不過玩得耐會有所厭倦，就會選購震動玩具以增加刺激。如果坐過電單車又或者電動按摩椅，震得耐身體都會有麻木之感，故有唔少人都會對震動玩具起戒心，生怕玩得多會永久性減低重要部位嘅敏感度，影響日後性趣。美國印第安納大學就進行過研究，得出嘅結果係唔會有影響，負責人表示震動玩具可以更快速令人達到性高潮，感覺過癮，而激烈嘅震動雖然會令敏感度下降，但只不過係暫時性，過一段時間就會回復過嚟，情況好似大家平日食快餐咁，所需時間唔多但係一樣可以飽肚，亦唔會影響之後嘅胃口。
男人喺做愛時一定全神貫注，就算有海嘯地震都影響唔到佢哋。之不過，全神貫注幹着那碼子事，腦海中又係咪諗緊正與自己處於激戰當中嘅對手呢？未必，而女人亦都係一樣，甚至更甚於男人。英國成人玩具品牌Lovehoney早前邀請咗千三名成年男女協助，問題係佢哋喺激烈床戰之時會諗起邊一個，結果相當令人驚訝。有42%嘅男士以及46%嘅女士表示，喺做愛嘅時候會不期然想起對手以外嘅其他異性！至於佢會係邊個呢？大部分回答係公司嘅同事，12%嘅男士同20%嘅女士則回應會諗起上司。呢個答案出現喺男士身上就唔出奇，因為鹹片當中有唔少以女上司嚟做題材以滿足男士嘅幻想；至於女士就奇怪喇！唔通認為同上司上床至能夠得到最滿足嘅快感？
互聯網絡發展迅速，加上智能手機火速普及，就連我母親都已經學識用手機上網，聰明伶俐嘅小朋友對使用互聯網更加快上手添。然而，家長未及在旁指導班小朋友以及年輕人上網，就容易出現問題喇。根據網站MakeLoveNotPorn嘅始創人Cindy Gallop表示，有調查發現93%未成年男仔以及62%未成年女仔透過互聯網接觸色情資訊，比率相當之高。佢話，年輕人對性好奇係無可避免嘅現象，而喺家陣互聯網普及嘅情況之下令佢哋更容易接觸色情資訊同樣難以逃避，家長們對子女傳授性知識嘅時候要盡量坦白同真實一啲，如果唔係分分鐘會畀個細路覺得你冇料到。
撰文：賢