AV達人：脫星陪你睇四仔 興奮又尷尬

以笑遮醜

睇四仔係一件好私人嘅事，就算女伴願意陪你睇都會覺得尷尬，但若然係片中嘅索爆脫星坐喺隔籬陪你一齊睇四仔，情況就唔同喇，肯定會超開心勁興奮！最近網站「BuzzFeed」搞咗個名為「Watching Porn With Pornstars」節目，請嚟四仔界兩大索女做嘉賓，一位係任何年齡界別都冧爆嘅唯美女神Allie Haze，另一位係由純情砌到激情嘅紋身辣妹Paris Kennedy，節目中兩位索女分別同一位四仔迷齊齊睇自己演出嘅四仔，而鏡頭就會影住佢哋嘅反應。多位四仔迷外表都係毒男咁款，佢哋見到脫星時表現得好緊張，握手嗰陣手都震埋，跟住一齊坐低睇片，睇到肉搏場面時，大部分四仔迷都表現得好興奮，亦有小部分顯得勁尷尬，有啲就邊睇邊同脫星傾偈搞氣氛，真係乜嘢反應都有！至於見慣大場面嘅Allie Haze及Paris Kennedy，當佢哋睇番自己嘅演出時都係以笑遮醜，尤其係高潮戲，呻吟聲叫到拆天嗰陣，更係瞇起雙眼及以雙手遮面，估唔到佢哋喺片場眾目睽睽下執劑都唔怕醜，居然睇四仔會感到尷尬！除咗兩位脫星外，仲有兩位男優上場，分別係Danny Wylde及Conner Habib，兩個麻甩佬坐埋一齊睇四仔，相信巴打都冇乜興趣，若然下次嚟個男男女女成班人睇四仔，相信會好吸引！大家想睇呢個節目可以Click入呢個網址：http://www.buzzfeed.com/mikerose/people-watch-porn-next-to-porn-stars#.oyw93O2db0。

網上瘋傳

呢個網上節目出街之後好受歡迎，喺社交網站瘋傳，連Allie Haze及Paris Kennedy都各自喺個人社交網同友好分享。講開兩位脫星，全球四仔迷都知Allie Haze喺四仔界以狂野見稱，咪睇佢個樣咁清純，查實佢乜都夠膽玩，前後門、多P、綑綁、愉虐等統統都玩過晒。Allie坦言，由於現實中得唔到滿足，為咗獲得性高潮而入行做脫星，於2011年出道，以唯美形象示人，及後愈拍愈激，喜歡向高難度挑戰，接受兩大黑人男優齊爆，過程精彩又刺激。至今Allie共有29個獎項提名，贏過兩個大獎。

而Paris Kennedy講過入行做脫星唔只想走紅，最重要係嘗盡性愛滋味，所以愈玩愈激，雖然喺業界浮浮沉沉，但Paris話依家工作得好開心，暫時未有退出打算。

四仔首映會

講到成班人一齊睇四仔，其實美國四仔界上年就曾經為一套四仔《Revenge of the Petites》搞首映會，免費邀請過百位男士入場睇足本版。套四仔講比堅尼女郎洗車，由多位脫星如Marie McCary、Vanessa Cage及黑妹Skin Diamond主演，當日佢哋喺戲院停車場即場洗車兼派飛宣傳，相當吸引，如果本地都有呢啲首映會就好啦！

撰文：祖