好多女明星都報稱感情生活一片空白，之不過講出嚟冇乜人信。其實咁樣都唔出奇，因為女仔生得太靚令人誤以為佢哋好多仔溝，令身邊嘅男人大打退堂鼓，最後搞到靚女冇拖拍，手島優就係一個例子喇。
女人同男人一樣咁貪心，男人就想同時擁有靚車靚女以及一個或以上嘅女伴，而女人就希望保持身材苗條，上圍不變甚至係變得比以前更大更豐滿，世上又有冇咁便宜嘅事呢？以前我就唔敢講，但家陣就有一個肯定嘅答案，水着女優手島優就話我知，減肥成功都可以保持巨胸。32歲嘅手島優拍攝水着寫真嘅資歷同人氣女優杉原杏璃相若，二人仲經常合作。如果將二人相比，小弟覺得佢哋各有韻味，杏璃就比較可愛，至於手島優就擁有一派親切又艷麗嘅姊系風韻，其充滿光澤同飽滿嘅厚唇則增添攝人魅力，予人火辣尤物之感。手島優身材豐滿且婀娜多姿，早前經過五星期努力減去5公斤體重，身材顯得更結實更有曲線美，出奇地胸前一對37吋I奶卻保持不變，依然係當年獲獎嘅「富有彈性冠軍」。
屋企經營手烤脆餅店嘅手島優，好細個就夢想成為藝人，讀高中嘅時候透過自薦而獲藝能事務所招為藝人，首部以女演員身份演出嘅劇集係《名偵探保健室的阿姨》。之後，手島優就開始投身寫真拍攝工作，將一副驕人身材盡情展露畀廣大男士欣賞。憑住其迷人美貌及I-Cup激凸身材，喺水着界發揮可謂如魚得水，人氣亦與日俱增，幫助佢順利登陸影視界發展。另一方面，手島優亦曾經同北條麻美及MAO組成搞笑組合「爆乳美國人」，不過阿妹就話其實唔係咁鍾意搞笑，原因係同其感情生活有關。早前，手島優接受訪問，表示已有一段日子冇拖拍，仲話擇偶條件唔係高，可能係因為自己太索故冇仔夠膽埋身。家陣手島優冇拖友，疑似陰陽失調，除咗生暗瘡，手腳仲多咗唔少毛毛添！阿妹，唔介意的話我好得閒呀！不妨Call我啦！
手島優經常喺博客同大家分享工作花絮，想知道佢最近忙於邊一樣工作範疇，就要Click上去睇睇喇。
網址：http://ameblo.jp/tejimayou/
年齡：32歲
身高：5呎5吋
三圍：37I-23-34
撰文：賢