男兒口大食四方，有日本專家就話女仔口大代表性慾強。日本共有47個行政區，當中長野縣嘅女仔被稱為「沉默寡言的女色狼」，點解呢？唔少港人都會供子女去美國留學，但最近有報告指，美國大學當中有五分之一嘅女學生曾遭性侵，比率真係幾高喎！
我哋中國人唔少都相信面相學，擇偶之前好可能會先拜讀相學書，了解對方嘅個性是否適合自己。而喺日本一樣有面相學，最近就有專家研究女仔個嘴同性嘅關係。呢位專家叫做安藤房子，為日本首位戀愛個人生活指導員以及戀愛心理研究所所長，從其研究得知，女仔個口生得大，代表性格比較開放、主動，性慾亦比較強，甚至鍾意喺床上領導男性，亦熱衷嘗試各種刺激嘅性愛玩意。另外，嘴角兩邊往上翹嘅女仔性慾就冇咁強，喺床上做主動被動亦一樣鍾意，之不過，呢種女仔就比較多情，成日出現一腳踏兩船嘅情況。而嘴角下垂嘅「金槍魚嘴」女仔就剛好相反，床上欠主動更欠缺反應，但係就夠忠誠亦夠刻苦，比較適合做老婆。
三月份日本北陸新幹線通車，大家去日本玩喺交通安排上方便好多喇。隨住新線開通，日本知名嘅性研究員色川航就發表一篇名為「北陸新幹線開業紀念/特別篇」報告，指出幹線通過嘅五個縣當中嘅長野縣、石川縣及富山縣嘅女性有咩特點。佢話長野縣女性對色情網站嘅鍾情度屬於全國第一位，而自慰鍾情度就排全國第三。色川航形容長野縣嘅女仔為「沉默寡言的女色狼」，表面斯文，內裏對性卻充滿慾望。富山縣嘅女仔就最花心，見異思遷嘅比率全國排名第二。至於石川縣女仔，色川航就形容佢哋充滿M氣質，M即係被虐嘅意思，調查結果發現佢哋鍾意被人責罵嘅比率為全國第四。
美國嘅大學一向予人開放同自由嘅印象，而佢哋嘅大學生對性一樣咁開放，一夜情有如食生菜咁容易，最衰小弟已過求學年齡，加上冇錢到當地進修，否則一定去見識一下。然而，開放嘅態度可以令到大學入面嘅男生行為亦比較進取，繼而令班女學生，特別係第一年入讀大學嘅女學生唔多安全喇。根據美國一份雜誌指出，調查發現19％嘅女仔喺入讀大學頭一年遭遇性侵，當中包括強吻、愛撫，甚至係強姦未遂，而情況通常喺佢哋入學嘅首三個月發生，呢個接近兩成嘅比例可謂相當高，仲相當令當地社會憂慮。
撰文：賢