模影模蹤:菜乃花彈彈波鬥彈珠

玩彈珠機係好多日本人嘅消閒娛樂方式,起初玩都幾刺激,但係玩得耐,彈極都唔中獎就會好沉悶喇。不過,大家如果有機會去日本,千祈唔好怕悶,幾大都要去彈珠機店彈兩彈,因為擁有I-Cup彈彈波嘅菜乃花分分鐘會彈出嚟陪你玩!

史上最胸

早幾年有一位女優風靡全日本,橫掃水着界,除咗憑住一副與年齡成反比嘅童顏而取悅觀眾,胸前一對質素有如棉花糖嘅驕人G奶更令男人趨之若鶩,佢就係星野亞希喇!雖然亞希已嫁為人婦,做咗賢妻良母,但係佢呢對棉花糖巨乳傳承有人,佢就係新一代水着女優菜乃花喇!青春活潑嘅菜乃花留一頭清爽短髮,感覺清新可人。五官標致嘅阿妹面上仲經常展露燦爛笑容,真係甜美迷人,難怪初出道嘅時候被人認錯係AV界嘅甜美小波后青木莉子。此外,菜乃花身材夠晒纖巧,之但係身瘦胸卻唔瘦,一對35I美巨乳喺呢副身材上顯得更加震撼更加碩大,而純天然I奶柔軟而彈性嘅質素確係一流也!連巨乳美女眾多嘅日本水着界都為佢冠上「史上最胸」之名。

與客同彈

菜乃花出道於2011年,同好多女優唔同,佢拍水着寫真之前冇做過模特兒亦冇參加各種選美比賽,一起步就因為被藝能事務所負責人欣賞到其驕人身段,從而將呢副極品身材公開畀大家欣賞,並且獲得極佳成績,就好似上年咁,推出嘅寫真DVD《戀愛,菜乃花。》銷量甚佳,喺Oricon偶像寫真DVD周排名第一位。除咗拍寫真,菜乃花搵銀方法仲相當廣,由主持網絡電視節目到參與電視台綜藝節目,仲係女子組合「FaDeLess」嘅成員,不時成隊人四圍獻唱。以杉原杏璃為奮鬥目標嘅菜乃花工作忙碌,卻未肯放慢腳步,由於佢係電視節目《菜乃花勝負》嘅主持人,不時會換上三點式去彈珠店同其他男人玩埋一份,提升人氣。

個人博客

菜乃花近期嘅工作大多以拍寫真為主,每次拍完佢都會將性感照上載到博客,對睇波有興趣嘅朋友一定唔好錯過喇。

網址:http://ameblo.jp/nanoka-blog/

菜乃花Profile

年齡:25歲

身高:5呎3吋

三圍:35I-23-34

撰文:賢