有啲地方名真係幾奇情，聽到人面紅紅兼想入非非，就好似台灣彰化縣鹿港鎮嘅一條後巷，個名竟然叫做「摸乳巷」，問你點可能唔心邪呀！事實上，呢條後巷又被稱為「君子巷」同「護胸巷」，據講呢條長約10米，最窄處唔夠70厘米嘅後巷已有200年歷史。本身係兩間大屋防火巷嘅佢之所以有咁嘅名，講法有兩個，一個係因男女喺窄巷相遇時，感覺相當尷尬，男嘅要讓女嘅行前，或者女方要掩住個胸因而得名。另一個講法，就係話說當年嘅人渴望生仔，喺日諗夜諗嘅情況下，就好似喺條又長又窄嘅巷道中苦思咁，於是取名做「夢麟巷」。之但係佢嘅發音同台語嘅「摸乳巷」相似，因此慢慢演變成家陣令人充滿遐想嘅地方名。