做藝人最怕有負面新聞，一旦畀人發現行為不端不正，就會被傳媒大事報道，好彩嘅可以道歉了事，唔好彩嘅分分鐘要引退，又或者好似日本美少女團體SKE48前成員鬼頭桃菜咁，改名三上悠亞拍AV，成為日本AV史上AKB48家族知名舊將下海第七人！
日本藝能界近幾年興起大堆頭美少女團體，AKB48大家冇理由未聽過啦！由一班美少女組成，個個都係十八廿二，充滿青春活力且可愛標致，真係人見人愛！此外，當中好多成員有美貌亦有巨乳，近期成日拍內衣廣告嘅小嶋陽菜就係好例子啦！除咗佢之外，AKB48嘅姊妹團體SKE48前成員鬼頭桃菜有一對飽滿彈手嘅F Cup巨乳！你可能會話個胸幾大都冇用啦，佢哋最多咪拍水着寫真咁大把！錯喇！最近呢位F奶玉女偶像宣告下海拍AV。
現年21歲嘅鬼頭桃菜喺2009年參加SKE48選拔面試，從3,248名參加者中，成為第24個出線嘅第二期成員。桃菜歌藝麻麻，但係身材一流，參加「寫真公主頂峰決戰」比賽贏得冠軍，更以水着Look登上《周刊少年JUMP》及《周刊Playboy》兩本雜誌封面。
及後，桃菜同男友激吻照流出，又被日本雜誌拍到佢同樂壇組合NEWS成員手越佑也喝醉後激吻，醜聞接二連三發生，令事務所大為震怒，桃菜亦立即作出道歉。到上年4月桃菜宣告從SKE48畢業，然後消失一段日子。
最近，專搵藝能人特別係AKB48家族前成員下海嘅AV廠MUTEKI公布6月將會有一位叫三上悠亞嘅青春巨乳新人下海，報稱悠亞係「國民的偶像」，作品更係極度珍貴嘅「一碟限定」，消息一出，迅即成為AV界以及藝能界之間嘅話題，點解？咪就係因為呢位三上悠亞其實係鬼頭桃菜囉！從呢隻處女作嘅碟封底見到，悠亞有「本番」演出，即係明刀明槍同男優砌過，仲連3P都玩埋！以往下海嘅AKB48家族前成員中西里菜、橘梨紗、逢坂春菜等轉做AV女優都冇玩得咁激！消息指出，桃菜退出SKE48之後冇工開，為咗賺錢，惟有下海拍AV，至於所謂嘅「一碟限定」相信係M廠為增加銷量嘅伎倆，如果反應好的話，絕對唔排除三上悠亞會過檔到與M廠同屬北都集團嘅AV廠，咁就可以解釋「一碟限定」意思係M廠同悠亞之間嘅唯一一次合作喇。
撰文：賢