好多男人都鍾意溫柔婉順嘅女人，不過一味識得嗲人，對你百般遷就，大家又點能夠擦出火花增加拍拖樂趣呢？好似內野未來咁，剛柔並濟，有柔弱又有剛強嘅一面，咁就過癮得多喇！
未來成為水着妹之前，憑住可愛氣質而成為一間女僕咖啡店嘅王牌女僕，之後因為名氣愈來愈大，故被藝能事務所派員將佢帶到水着界。加入後，發展得相當唔錯，例如參加汐留寫真像偶甲子園比賽2012就得到冠軍，且由主持網絡電視節目，再漸漸成為電視台綜合節目嘉賓令人氣火速上升。未來仲參演過唔少影視作品，電視劇方面就有《龍馬傳》，電影方面則有《年上與彼女》等，年初喺寫真電影《超高速！極短褲》當中更擔正做女主角，仲以大膽演出惹來注目添。不過，如果撞正未來色誘就唔好輕易毛手毛腳喇，事關外表柔弱嘅未來有剛強嘅一面，且係嗜武之人，精通講求一擊必殺嘅居合道劍術！呢種武術除咗幫助未來防身之外，仲令佢更容易應付工作，因為好多舞台劇都要佢演武士，學過劍術梗係着數好多啦！
日本人生活壓力相當大，為咗將壓力紓緩同發洩會用上好多方法，否則一定壓力爆燈谷壞自己。有咩方法減壓呢？女人我就唔多清楚，但係男人有部分重口味者會選擇到SM俱樂部，畀女王鞭兩鞭，踩兩踩，至於較為正常嘅男人就會好似我咁，欣賞治愈系水着妹嘅寫真集，咁邊個係呢類女優呢？各位老闆，小弟今日就準備咗一個治愈系女優介紹畀大家，佢就係內野未來喇。27歲嘅未來妹生得溫柔可愛，氣質清純，留住一把又長又烏溜溜嘅黑頭髮，更為佢添上一份鄰家女孩嘅感覺，令男人一望就感受到回到童年時與鄰家女孩玩樂嘅天真時光，心情係咪暢快又開朗好多呢？令男人精神一振嘅仲有未來嘅火辣胴體。未來身材甚具肉感，胸前一對35G美巨乳又大又彈手，一睇就知係純天然產物，質感一定又彈又軟綿，如果能夠伏在其中休息，一定壓力全消。
近期內野未來主要工作為演出舞台劇，成日都會將演出花絮以及綵排實況於博客透露，想知道佢嘅台後生活不妨上佢個博客睇睇。
網址：http://ameblo.jp/avonrepus/
年齡：27歲
身高：5呎2吋
三圍：35G-24-34
撰文：賢