Free啲夜蒲：俄都狂野 火熱勁舞

每次講起艷舞娛樂，好多主流國家都有唔錯嘅選擇，只係講嚟講去好似冇俄羅斯份。其實咁諗絕對唔啱，皆因佢哋同樣有多姿多采又熱力四射嘅夜生活，好似位於莫斯科嘅人氣艷舞夜店Polar Bear Club，就極具代表性。呢間夜店嘅設計前衞得嚟又帶畀玩家極盡視聽享受嘅娛樂，分為兩層嘅夜店，一樓為大型舞台、酒吧同VIP廂座區，而為咗可讓玩家盡情狂舞，枱與枱之間嘅間隔相當闊落；二樓則係貴賓座區，透過天井式嘅設計可盡覽一樓嘅艷舞演出。