兔仔呢種動物畀到人一種可愛同溫馴感覺，因此我哋好鍾意用佢嚟形容一啲有咁嘅氣質嘅女仔，話佢哋好似兔仔咁單純。不過兔同Rabbit呢個字喺情慾字海中，其實唔係咁純情之餘，更係同無比嘅慾望有關呀！
「Rabbit Pie」直譯嘅話係兔仔肉批，莫非要將呢種咁可愛嘅動物擺入口？非也，皆因佢喺情色俚語中並唔係指食物，而係指性生活放蕩嘅女人同妓女。翻查資料，呢個詞語出現於19世紀初嘅英國，之但係佢點解有咁嘅解法就好難考據。講到英國著名嘅妓女，就唔可以唔提喺1839年6月13日出生嘅Catherine Walters。呢位藝名叫Skittles嘅名妓認真巴閉喇！事關佢憑住出眾嘅容貌同埋交際技巧，恩客都係嚟自歐洲嘅貴族、政府高官同富翁，當中包括愛德華七世同拿破崙三世。此外，具有時裝品味兼騎術精湛嘅佢經常喺海德公園騎馬，並引嚟為數眾多嘅人圍觀。退休後，生活富裕嘅佢仍深得大家尊重，直到80歲而殁。
想知道「Jack Rabbit Sex」嘅意思嘅話，就要先將佢拆開嚟解，所謂「Jack Rabbit」其實係北美西部嘅一種大野兔，佢最特別嘅地方就係活躍好動又好奇，而當佢加埋「Sex」呢個字後嘅意思，就係指同具有無比熱情同床上爆發力嘅男士進行狂野床戰咁解。不過大家咪以為佢係讚美語喎！因為呢類型嘅男士太過有「衝」勁關係，往往因為太過用力進行活塞運動，搞到女伴唔舒服，甚至因此而出現痛楚，可想而知呢種床戰唔會享受得去邊。
如果有留意開情趣玩具嘅話，都會見過呢種具有觸鬚嘅電動情趣震棒「Rabbit Vibrator」，中文則稱為兔形震棒。全球首支「Rabbit Vibrator」出現於1983年，由美國著名情趣用品公司Vibratex設計。喺推出呢個風靡全球嘅產品前，佢哋曾經推出過一系列動物造型嘅情趣震棒，及至推出呢支以兔仔造型，並以一對凸出嘅兔仔耳為增加額外刺激觸鬚嘅震棒後，終於吸引到大家留意。不過講到佢爆紅嘅原因，就唔可以唔歸功於著名美國電視劇《色慾都市》。話說喺1998年第一季嘅第9集《The Turtle and the Hare》中，由於有呢支震棒登場關係，故此帶挈佢嘅銷量爆升，及至家陣仍有唔少同類新產品推出。
唔知邊個係月島兔嘅話，都一定聽過荒木亞理沙呢位日本AV女優嘅大名。事關呢位喺1989年11月18日於東京出生嘅女優，憑住可愛嘅外形、玲瓏浮凸嘅身材同超敏感嘅體質，曾經被唔少AV迷所留意。可惜呢位外形出眾嘅女優星運認真麻麻，事關佢喺2010年1月22日出道時所簽嘅公司Prime Agency，本嚟實力都唔錯，皆因佢先後捧紅過蒼井空、佐山愛同西野翔等女優，只係佢卻點搞都唔紅。及至2011年3月12日佢轉會到另一公司T-Powers，並且改名做荒木亞理沙。可惜佢嘅星運仍只係一般，往往都係叫好唔叫座，真係令人覺得可惜呀！
撰文：魂