數新一代嘅台灣人氣腿模，一定非吳美希莫屬，因為佢除咗拍攝美腿寫真外，仲接唔少外拍工作，乃當時得令嘅展場女郎，所以只要去到展館，無論係車展、電子產品展，定係動漫展，你都會見到佢嘅俏麗身影！
今年22歲嘅吳美希，英文名叫Miki，如果你想喺網上搵佢嘅長腿寫真，只要打上英文名，就會有好多輯噴血美腿寫真出現，當然有好多係要畀錢至有得睇，但亦有熱血粉絲，畀錢下載後，再免費放上網益大家，只要花啲時間就搵得到。然而就算睇唔晒全部，只睇得部分，都夠你受用無窮，因為美希嘅美腿寫真，除咗展露美腿之外，亦會把完美身材充分展現，大家千萬咪畀啲數字呃咗，因為佢公布嘅上圍數字只有30吋，以為冇料到啦，但人家杯數高達E級，所以一對巨乳絕對係呼之欲出，加上24吋小蠻腰，每張寫真噴血度都極高，而且每輯照片美希都會配上唔同嘅制服，總有一款能夠打動你，結果美希出道只有一兩年，但人氣已經上升了不少！
身高有170cm嘅美希，單靠雙42吋長腿就夠搵食，但佢冇故步自封，反而十分踴躍出席活動，舊年凡有展覽嘅地方，就會見到佢嘅身影，唔係動漫美女就係遊戲天團成員，再唔係就係車展大使，就連電子產品展嘅騷女郎都做埋。大家咪以為美希係靠身材，原來佢能言善道，拿起咪高峰講嘢絕對難佢唔倒，而且妙語連珠，深受觀眾朋友歡迎。佢音樂造詣不錯，彈得一手好鋼琴，而且唱歌仲十分好聽添，睇嚟隨住佢人氣急升，好快會有唱片公司簽佢，出埋大碟，做埋歌星！仲有一點不得不提，美希嘅日語竟講得嘞嘞聲，有次介紹產品時用日語講出，令全場人愕然，開始了解到美希除咗人靚身材好之外，原來仲多才多藝，相信美希前途一定無可限量！
簡介：吳美希唯一嘅官方網站就係佢嘅面書，裏面存有不少寫真照片，但同其他囡囡一樣，佢哋玩面書時，大多數都係貼啲唔等使嘅嘢，雖然都值得欣賞嘅。
網址：www.facebook.com/miki.wu3
出生地：台灣
三圍：30-24-34
身高：170cm
撰文：龍四海