各行各業都一樣，上咗位就要諗計上岸，好似脫星咁，紅咗就要搞鹹網、出騷兼轉型，務求賺得更多，Stoya同Kayden Kross兩位無人不識嘅四仔一姐，早前搞咗個色情網站，可惜外界反應麻麻。
Stoya同Kayden Kross係歐美巴打Like爆嘅脫星，不過佢哋深明花無百日紅嘅道理，所以唔諗啲噱頭嘢搞吓，都幾難再撐落去，因此兩位資深脫星早前出錢出力炮製成人網站「TRENCHCOATx」。坦白講，作為一個鹹網，呢個網名完全提唔起巴打慾望，兼且有啲難記。早前喺發布會上，Stoya對傳媒表示，目的係要推出一個自主兼有品味嘅色情網站，佢又話市場上鹹網內容千篇一律，一味鬥重口味；另一方面，脫星嘅付出同收穫唔成正比，有見及此，佢同Kayden合作打造一個「乳」別不同嘅鹹網，提倡公平交易，台前幕後工作人員都係多勞多得，而收費會員畀咗咁多會費，必定可以睇番夠本，總之砌嘅同睇嘅都咁開心。Stoya同Kayden更異口同聲話，呢個網站係佢哋第一個合作項目，將來仲有更多嘢搞喎！
鹹網剛成立無耐，加上得兩位阿姐主理，Stoya同Kayden各自導自演一個系列，所以四仔作品產量唔多。以細佬所見，佢哋每一鑊都以「色情藝術」掛帥，更抵死係逐鑊收費，即係你鍾意睇邊鑊就畀錢睇邊鑊，毋須成套四仔畀錢「單撈」咁乸脷，每段由3.99美元（約31港元）起，都幾划算！
呢個斬件式收費概念的確係值得讚賞，但業界同巴打就唔多欣賞，有成人新聞網站報道無疑兩位阿姐喺業界有江湖地位，之不過冇大公司幫手宣傳，難有好成績；至於網友就覺得Stoya同Kayden既要幫四仔廠瞓身砌，又要出力搞網站，隨時自己打自己，吃力不討好！
撰文：祖