如果喺酒店泳池嚟個裸泳，一定會畀人請離場，只係嚟到呢個位於美國拉斯維加斯酒店Mirage內嘅泳池酒吧Bare Pool Lounge，不但唔會畀人趕走，仲係「裸」正牌剝光豬添！呢個歐洲式設計嘅泳池酒吧佔地超過14,000平方呎，當中設有6間唔同主題嘅小屋、日光浴梳化同2個豪華浸泡池。
此外，泳池內設有一個配備齊全嘅酒吧，讓玩家可以邊玩水、邊曬太陽嘅同時，仲可以享受美酒同小食，只係呢啲都唔係重點，最重要係佢容許男女玩家喺度剝光豬，體驗天體暢泳嘅樂趣。可能有人會覺得，縱然佢容許大家剝光豬，只係擔心會畀場外嘅人睇蝕晒喎！呢層大家唔使擔心，事關佢嘅四周設有圍牆，更種滿密密麻麻嘅棕櫚樹，既可提高私隱度又可增添大自然氣息。不過大家要留意，就係泳池不但要收入場費，每日營業時間為早上11時至傍晚6時，千祈咪去錯時間呀！
撰文：魂