裸模生涯好短暫，所以未上位都會搏命剝，希望搵多個錢傍身，而上咗岸嗰批通常都係退隱江湖，甚麼社交網、官方網站都消失得無影無蹤，而今日有位比較特別嘅美國妹Abigail Ratchford，對佢嚟講，賣肉賺到嘅唔算係錢，剝到着番衫變名媛，先係真正搵到食喎！
Abigail Ratchford自稱係Super Model，麻甩佬就只當佢裸模，而傳媒就封佢為巨乳甜心，女人就覺得佢係靠緋聞上位嘅低俗藝人，無論阿妹有幾多稱號，喺幾多個界別搵食都好，唯一共通點係有佢出場就有奶睇！如果36DD堅波你都嫌碎料，咁其實呢個世界冇幾多女人值得你欣賞，36DD喎！長期Keep住咁完美嘅身材，單係呢一點都唔簡單啦！更唔簡單係Abigail有咁嘅身材，但竟然喺前年中先肯入行做Model，佢嘅理由係未諗清楚方向喎。據講，Abigail深明巨乳為佢帶嚟嘅好壞處，巨咪無疑吸睛，但令人忽略佢其他優點，剝衫會極速走紅，可惜同時會被定型，對於一心想喺演藝事業發展嘅佢，確係好難抉擇！
結果諗到頭爆，Abigail都係決定做咗先算，一出現就喺坊間多本男士雜誌晒咪咪，走紅後再靠人氣殺入娛樂圈，如今Abigail雖然喺演藝界發展平平，但在模界就由美國一直蔓延到德國、法國，及遠至澳洲都有人識得佢！Abigail對傳媒話係意料之內，事關咪咪得到傳媒廣泛報道，加上佢嘅社交網，相信自己可以走得更遠咁話喎！
一對咪咪經已夠Abigail紅爆全球，阿妹亦曾經同時裝品牌合作出Tee出飾物，更因為咪咪夠養眼而替礦泉水拍廣告，一年未夠，佢已賺夠錢去洛杉磯買獨立大屋，亦惹來不少名人及球星追求，最爆一鑊係舊年底同NBA湖人隊嘅布沙，傳聞佢喺夜場偷嗒呢件最爆胸器，阿妹要風得風，連外界都以為佢再無所求時，早前就在八卦網站表示現在先係開始喎！Abigail回憶當日入行經過，當裸模無非係吸睛，引起公眾話題性，但所賺嘅都係辛苦錢，到依家有啲名氣，可以揀Job或建立個人形象，先稱得上係一個有性格嘅藝人喎！
Abigail喺訪問中自爆，無論做邊類型Model都好，終極目標係唔使做都搵到錢，就好似名媛一樣生活，而佢更誓言要以Kate Upon為目標！Abigail絕對係咪大有腦代表，當日做裸模乜都剝一餐，一年後今日已甚少見佢露奶，再畀佢威多兩三年，真係波罅都冇得你睇囉！
簡介：要上位多人Like，梗要有個網站幫手啦，網站除咗介紹Abigail歷來做過啲乜巴閉Job，最出名正係對36DD爆乳，所以官網睇得最多梗係巨乳寫真啦，任何主題都係，一對大燈總係特寫畀巴打睇，可惜免費嘅好少，想睇好嘢都係要畀錢入會嘅！
網址：http://officialabigailratchford.com/
出生日期：1992年2月2日
三圍：36DD-24-36
身高：5呎9吋
撰文：祖