模影模蹤:突破極限楊曉青兒

多年前嫩模風潮瞬間喺兩岸三地湧現,熱潮至今方興未艾,而早年出道嘅囡囡有部分已黯然消失,有部分就繼續努力向上,只有小部分能夠名成利就,今日介紹呢位嚟自湖北武漢嘅楊曉青兒,絕對係成功嘅一位!

愛的表白

早喺2010年出道嘅楊曉青兒,好多朋友都好奇,佢究竟係叫楊青兒?定係楊曉青呢?至今一直仍然係個謎,佢話一日未結婚都唔公開喎!講起結婚,楊曉青兒喺2012年參加過一個相親節目,當時係以幼兒教師嘅身份參與,由於樣子斯文,充滿陽光氣息,所以深受觀眾歡迎,佢喺節目中揚言想找個白馬王子,轟轟烈烈咁談一場戀愛,平時唔聲唔聲,只喜歡睇書嘅楊曉青兒,突然喺節目上剖心講出愛的表白,令佢廣為網友認識,但之後佢搵唔搵到理想對象,咁就真係只有天知道,同時佢亦冇食住大好優勢,繼續喺綜藝路線發展,反而專心做模特兒。楊曉青兒能歌善舞,而且佢喜歡跳嘅舞,並唔係的士高隨便亂咁跳嗰啲,而係傳統中國舞蹈,舞姿十分吸引。

自己做老闆

此外,楊曉青兒喜歡爵士音樂,所以爵士舞亦略懂一二,加上佢做老師所以能言會道,唔喺主持或綜藝方面發展真係有點可惜。但錯有錯着,呢幾年專心喺模特兒界發展,反而取得不錯嘅成績,由於工作不斷,於是佢開咗間工作室嚟幫自己打點一切大小工作,自己做老闆,全心全意把自己推介出去,令事業更上一層樓!一直都以美少女形象示人嘅楊曉青兒,近年勇敢地突破自己嘅性感底線,染指超性感寫真領域,更一口氣拍咗3、4輯超性感寫真,雖然冇學其他囡囡咁脫光光任拍,但每輯寫真都到咗楊曉青兒嘅極限,所以係佢粉絲嘅朋友,一定會愛不釋手,百看不厭。咪以為楊曉青兒身材普通,谷起上嚟真係好誘人,少啲定力都畀佢電暈!

專屬網站

簡介:楊曉青兒嘅微博早喺2010年就使用,將佢出道多年來嘅照片,全都放晒上去,仲有好多絕密寫真,千萬咪走寶呀!

網址:http://weibo.com/p/1005051689212192

楊曉青兒Profile

出生地:湖北武漢

三圍:33-23-33

身高:165cm

撰文:龍四海