最近美國色情界又有頒獎禮舉行，雖然冇AVN咁大型同鼎盛，但依然吸引到贊助商，兼一班忠實粉絲力撐，即使得獎脫星冇獎金又冇獎座都一樣支持，呢個「Spank Bank Awards」大家以後一定要實喇！
專業加幽默，令「Spank Bank Awards」喺5年前於網絡上出現，由籌備到公布結果都係由「寫手」Gabriel Lan一人包辦。有指呢位業界「猛人」極受行內行外人尊重，皆因佢係《Fox Magazine》寫手及國際成人電影資料庫網站（Internet Adult Film Database，簡稱IAFD）編輯，呢個網站超巴閉，係美國成人產業龍頭資料庫，涵蓋全美國色情資訊，由監製、導演、脫星及作品資料都有齊，網站更有搜索功能，的確超方便，仲係免費嘅添，難怪深受歡迎啦！
至於呢個「Spank Bank Awards」就同該網站無關，只係Gabriel Lan於5年前某一晚，無無聊聊喺屋企上網，舉辦名為「『第19屆』Spank Bank Awards」，點解係19？據Gabriel解釋，當時睇得太多四仔頒獎禮，加上每日工作對住大量脫星資料，純粹想惡搞吓同巴打開玩笑而已！因此呢個頒獎禮係無標準、無理由同無獎座，全靠佢日以繼夜、夜以繼日嘅鹹濕而得出結果。
連Gabriel自己都估唔到，一次惡搞竟然獲得眾多網友支持，除咗洗版留言，更得到《Fox Magazine》力撐，到第二年再接再厲，先修正為「第二屆」，由一個人惡搞，變成一大班人幫手，一直玩到今年第5屆，Gabriel繼續發揮其風趣幽默本色，例如頒發「最抵打屁股脫星」、「最靚菊花脫星」、「最佳神棍」等，相當搞笑。早前Gabriel喺其網誌公布結果，共頒發184個獎項，其中脫星Anikka Albrite奪得5個獎項成為大贏家，事後阿妹接受訪問時談及得獎感受，佢竟然陪大家一齊癲，話好感謝大會咁欣賞佢，會繼續努力，砌更多好嘢畀大家睇！雖則話呢個頒獎禮得啖笑，但坦白講，畀起攞正牌大搞頒獎禮嗰啲仲嚟得真囉！
撰文：祖