以前喺學校做到班長真係一啲都唔簡單，除咗要品學兼優，仲要有領導才能，唔係就駕馭唔到班同學仔。而喺日本藝能界，要成為一個組合嘅隊長一樣唔簡單，一定要有人氣兼夠實力，日本美少女組合NMB48嘅隊長山本彩，最近就推出寫真集彰顯自己除咗唱得跳得，身材仲相當睇得！
21歲嘅山本彩青春活潑，靚女又可愛，6年前成為美少女組合MAD CATZ成員嘅時候已經備受注目，後來組合解散就成功憑出色才藝加入NMB48，而喺呢段日子嘅組合選舉當中，山本彩都以高票留任，近期仲成為隊長添。山本彩強勁嘅實力除咗喺樂壇展現，換上水着一樣極具吸引力，最近就推出第二本個人寫真集《SAYAKA YAMAMOTO》一騷豐滿上圍以及迷人身段喇。呢本寫真集以型格同性感為主題，將彩妹成熟嘅一面以及火辣胴體展現大家眼前，視覺刺激度絕對比得上師姐小嶋陽菜。
售價：約HK$117
撰文：賢