咪以為最具人氣嘅脫衣舞夜店就一定係喺美國，查實喺其他國家不但同樣有脫衣舞夜店，有間位於波蘭首府華沙嘅夜店更係享負盛名，佢就係Playhouse。作為波蘭成人娛樂嘅代表性夜店，佢以極具格調嘅裝修獲得玩家歡心，分為3層嘅夜店分成3種唔同風格嘅設計，當中包含住當代時尚、優雅復古同古典裝修，配合唔同嘅光影效果，打造出與別不同嘅玩樂空間之餘，亦滿足唔同玩家嘅需要。另外，超高嘅樓底令店內嘅空間感十足，不但冇絲毫侷促感，亦令音響效果有充分嘅發揮，將艷舞表演嘅視聽享受得到大幅提升。
玩家除咗可以喺1樓同2樓嘅酒吧區玩樂外，仲可以選擇位於3樓嘅VIP區。VIP區設有3間貴賓房，除咗有獨立舞台同酒吧外，其他設施都一應俱全，配合埋優質餐飲服務，讓玩家盡情體驗尊貴嘅享受。當然，出色嘅硬件亦需要軟件配合，店內雲集嚟自波蘭一流質素嘅艷舞女郎，火辣身材加上性感衣着，以熱情奔放嘅態度令玩家盡情投入極具感官刺激嘅世界，最重要係呢度嘅女郎都識英語，解決溝通上嘅屏障。不過有玩家卻表示呢點查實一啲都唔重要，皆因喺玩樂過程中根本唔需要任何語言，只需要準備充足嘅金錢，因為消費並唔平，每位玩家嘅平均消費約為2,000波蘭茲羅提（約4,251港元）。
撰文：魂