過年期間返上廣州，見到賣內衣底褲廣告嘅燈箱，即時被個模特兒迷住，我問親戚識唔識得呢個模特兒？起初實以為佢一定唔識，點知親戚竟對我如數家珍，原來呢位咁靚女嘅模特兒名字叫宛恩，而且仲係廣州嘅老鄉添！
今年25歲嘅宛恩，上網好難搵到佢嘅資料，因為同其他模特兒一樣要中英文名字夾埋，至搵到佢嘅相關資料，而佢嘅英文名就叫做Miyu，上網要打「宛恩Miyu」就會搵出佢嘅相關履歷。宛恩出道大約四年，據講喺佢讀緊華南農業大學時就出道客串，有網友話佢讀農業大學唔通志願係做農夫，咁你哋就錯啦！宛恩喺大學時係讀藝術學院，事關佢自小就好喜歡跳舞同埋美術，多年嚟練得一身好才藝，所以輕鬆考入華農嘅藝術學院，期間佢就兼職當模特兒，主要拍時裝和婚紗照。喺2012年佢更參加廣州某個大型嘅選美比賽，獲得廣東賽區嘅冠軍殊榮，令佢信心大增，於是放咗更多時間喺模特兒嘅工作上，之後開始喺全國各地嘅大大小小車展中，都看到宛恩嘅身影！
好多網友都覺得宛恩輪廓深邃，好有混血兒嘅味道！其實唔使估啦！人家宛恩就係名副其實嘅中法混血兒，所以五官輪廓分明，而且身材高挑，175cm嘅身高，三圍勻稱，如果唔做模特兒實在係太浪費，而宛恩最後決定走上模特兒之路，其實仲有一個原因，就係佢嘅粉絲實在太多，截至舊年年尾佢嘅官方微博嘅粉絲人數就超過三十萬，由於太多支持者，所以佢除咗欲罷不能，要繼續好好工作之外，仲不停要更新微博，貼相寫文，但好在宛恩工作不斷，經常都有啲工作照同埋生活照放上網同大家分享，令粉絲們對佢更加不離不棄。近年雖然不斷喺廣州、上海兩地工作，但佢更想嚟香港發展，如果成真就真係網友們嘅福氣，唔好講咁多拿拿臨拍輯噴血寫真集就開心死啦！
簡介：由於有三十萬粉絲，所以佢嘅微博經營得十分好，日日都有新料，有時文字分享，有時圖片欣賞，當然最受歡迎都係佢嘅寫真照，呢度最齊全！
網址：www.weibo.com/p/1005051908071331
所在地：廣州
三圍：34-24-35
身高：175cm
撰文：龍四海