AV達人:新書揭秘男優是怎樣煉成的

雖然話讀萬卷書不如行萬里路,但係睇書的確有助增長知識。最近日本就有一本新書同漫畫推出,前者大爆日本AV男優嘅辛酸史,後者就將超級經典AV女優飯島愛重現大家眼前,粉絲們點可以錯過呀!

名師出高徒

男人睇AV嘅時候,多數都係欣賞女優嘅身材、樣貌、性技以及床上反應,許多時忽略咗一個重要角色,就係男優喇!試想想,如果一部AV只係得女優單獨演出的話,冇男優嘅高超技術刺激女優,又點能夠拍攝出激烈嘅性戰場面呢?事實上,由於我哋都專注留意女優,令男優嘅一概資訊變得神秘,最近有一本新書叫《AV男優之流儀》就為大家嚟個大揭秘,搵來眾多知名AV男優進行訪問,包括名師級男優島袋浩、色斑妍、森林原人,以及AV監督松尾Company同安達薰。書中森林原人同色斑妍均表示自己都係師承島袋浩,由汁男優做起,然後獲師傅賞識,帶到AV片場學習各種性技以及駕馭AV場面嘅技巧,漸漸練成一身好武功兼成為一級男優。

色斑妍仲話多得師傅島袋浩提攜,令佢收入大增,由原本住喺月租5萬日圓嘅套房,搬到去月租15萬日圓嘅高級公寓居住。妍仔為答謝師傅,邀請對方到新居食飯,點知島袋浩突然打開窗將報紙捲成喇叭狀向街道大叫:「呢間屋係AV男優住嘅!」色斑妍聽到梗係大吃一驚,而島袋浩就話:「使乜驚!拍AV都係用勞力搵錢,絕對唔係低賤工作!」自此色斑妍就有所領悟,以AV男優身份為榮。

愛姐玩穿越

除咗呢本《AV男優之流儀》好睇,大家仲可以睇吓呢本叫《Time Traveler 愛》嘅漫畫,因為入面嘅女主角都係同AV有關,而呢位女主角就係曾經叱咤風雲、迷倒萬千亞洲男士嘅終極AV女王飯島愛喇!漫畫以拍攝水着寫真時期嘅飯島愛做藍本,講佢無意中得到一條有魔力嘅頸鏈之後能夠穿越時空,去到從前不同年代靠自己色誘男人而解除種種危機,愛姐嘅粉絲千祈唔好錯過呀!

撰文:賢