天秤座嘅朋友攞住天秤喺手，咪以為佢哋好正直，其實佢哋最喜歡劍走偏鋒，一係就愛得轟轟烈烈，一係就愛得出奇平淡，所以佢哋嘅情路真係冇人估得到，至於今年同樣係冇乜愛情運行，除非佢哋個個都肯轉死性啦！
天秤座嘅朋友身邊有一個男女朋友，其實已經夠佢哋疲於奔命，但如果仲學人一腳踏兩船或者學人搞婚外情，咁就會麻煩到爆，因為天生不善處理感情嘅天秤座朋友，若扮情聖去搵第三者，咁你注定會失敗，甚至係慘敗！特別係第三者做主動嘅，天秤嘅朋友更係無法拒絕，所以除咗自己要千萬小心之外，另一半係天秤座嘅，呢年都係要小心睇實啲佢哋，由於今年有變動能量加持，所以變化就預咗，因另一半管得嚴而導致分手，總好過畀第三者搶走，事後實被人唱到面黃！所以老虎蟹都要睇實佢哋，反面都係咁話！而由於天秤座嘅朋友唔係高手，佢哋出軌時真係會錯漏百出，好易畀人發現，甚至被另一半人贓並獲，佢哋一定唔識處理，到時都係交由另一半嚟處理吧！
由於今年命盤有吉星到位，迷失感會一掃而空，除咗工作上會特別精明之外，喺愛情路上亦會聰明好多，例如會反省自己多年識唔到另一半嘅原因，因而積極改善，而已有另一半嘅朋友就會有兩個可能，一就係發覺自己同另一半都這麼多年，是時候要組織家庭，另一個可能就係發覺身邊嘅另一半，為甚麼要忍佢咁耐？積極反省係唔係要同對方分手。所以天秤座嘅朋友未有戀人嘅會繼續冇，但會開始改善一下自己的形象同性格，希望喺2016年有機會！而已有另一半嘅朋友，今年唔係分手就係結婚，總之就係有變動，姻緣運比較反覆，年初至8月都唔錯，9月開始麻煩事會接踵而來，要冷靜處理，否則後果可大可小。另外，天秤座嘅朋友今年千萬要小心爛桃花纏身！
最佳數字：2、3、7
最佳顏色：黑、白、灰
最佳寶石：白晶或黑曜石
最佳位置：有大理石或雲石的地方
狩獵運：★★★★★
甜蜜運：★★★★
戰鬥運：★★★★
撰文：小德