有巴打話妓女係最古老嘅職業之一，如果按呢個推論嚟睇，咁唔知最古老嘅妓院又係點嘅呢？想知嘅話，只要嚟到呢間位於被火山爆發所毀嘅龐貝古城，當中嘅古妓院Lupanare就可知一二。
喺拉丁文中Lupanare解作妓院，而妓女則被稱為Lupa，據講當年嘅龐貝古城由於係個商貿重地而住咗唔少有錢人，男人有錢自然身痕，而飄洋過海嘅船員生理需要亦殷切，造就城內湧現超過30間嘅妓院。不過現今喺古城中被發掘出嚟又保存得比較完整嘅，卻要數呢間Lupanare。分為兩層嘅妓院每層有5間房同一個公廁，而妓院牆上不但有各種陽具嘅裝飾，更繪有大量色情壁畫，當中不乏性愛體位嘅描寫，構圖更係相當露骨，一啲都唔比家陣嘅鹹相遜色添！
撰文：魂