要為動畫角色添上靈魂，除咗要靠作者生動嘅筆鋒，當然仲要靠背後為其配音嘅聲優啦。雖然聲優默默地在背後發聲，但係唔代表佢哋只能夠靠把靚聲至可以吸引到觀眾，因為好多女聲優其實聲色俱備，就好似人氣強勁嘅中川翔子，以及靚女又好波嘅久保由利香。
識女仔除咗睇身材同面孔，性格亦相當重要，如果成日都黑口黑面，面上死氣沉沉，執到金都唔識笑，相處落嚟唔好話畀佢影響運勢，大家拍拖開心極都有限啦，唔開心又拍拖嚟把鬼咩！好似久保由利香咁成日都笑容滿面，朝氣勃勃，仲要身材激凸，令人精神一振，行唔行運都冇所謂喇。25歲嘅由利香青春俏麗，笑起上嚟帶出天真純潔感覺，配合清爽嘅短髮令人感受到陽光氣息，充滿朝氣，呢種女仔就真係識得過。由利香身材仲相當誘人，5呎4吋身高配上34-23-34三圍，婀娜得嚟結實嘅肉地仲散發健美感，膚質白滑令胸前一對極富彈性嘅純天然F奶更有睇頭，真係正到無人有呀！
2002年久保由利香憑住參加時尚雜誌《nicola》舉辦嘅第六次nicola模特兒選美比賽突圍而出，繼而成為雜誌嘅專屬模特兒，而當時佢就用楢原由利香做藝名。出道後嘅一段日子，拍過唔少寫真集以及雜誌封面，之不過時也命也，人氣始終未能夠谷起，令由利香曾經短暫引退，幸好思前想後又再次同大家見面，將其豐滿F奶威力繼續發放。2010年，自小就對動漫興趣濃厚嘅由利香向聲優界進發，由於佢聲線嬌嗲且對配音甚有天分，好快就獲得認同，曾經配過嘅人氣動漫角色有《琴浦小姐》中嘅森谷日和以及《LoveLive!》中小泉花陽。另一方面，一把靚聲獲得肯定，梗係唱埋歌啦，呢位地下偶像就同幾個寫真偶像組成「超地下偶像」勇闖樂壇，大唱動畫主題曲。近年由利香已經成為聲優界寵兒，其人氣仲幫助到阿妹獲得奈良旅遊局賞識，最近搵佢做奈良觀光大使為當地旅遊業出一分力。
雖然久保由利香現時以聲優為主要職業，但係閒來亦有為雜誌做模特兒，每次扮靚靚拍寫真嘅時候都會自拍，上佢個Instagram就可以睇到好多靚相喇。
網址：http://instagram.com/shi_ka_co
年齡：25歲
身高：5呎4吋
三圍：34F-23-34
撰文：賢