好多日本水着偶像都係十來歲出道拍寫真，經歷多年歲月變遷之後，到達20歲多數都會隆重其事咁推出一本較大裸露尺度嘅寫真集，以顯示自己已經長大成人，至於近期人氣持續上升嘅浜田由梨雖然過咗20歲一段日子，但係近期亦嚟個大蛻變，將自己嘅成人魅力進一步發放。浜田由梨憑住參加選美比賽日本Telegenic 2013而備受注目，以一副34F-23-34嘅嬌美身材活躍寫真界，近期更加曝光率大增，成功得到電視界寵幸，令由梨有好多出鏡機會。由梨最近就食住個勢推出寫真集《Eureka》，當中會以前所未有嘅露出度演出並大賣妖艷感覺，大露玉臀以及波邊，真係極盡誘惑，阿妹真係大個女喇！