有啲天真嘅巴打一聽到位於墨西哥東部坎昆島（Cancun），有間叫做Temptation Resort嘅裸體度假村時，就拿拿臨舉手話要去。不過大家咪以為可以打正旗號(目及)嘢咁過癮，事關呢個度假村對入場人士有嚴格規定，就係只有夫妻先至可以入場，以保障入場天體愛好者嘅私隱及安全。
雖然唔係個個男女可以入內，但由於佢嘅設備相當完善，當中包括餐廳、水療中心、露天及室內泳池、健身中心、娛樂活動室等，最重要係佢擁有一個優美嘅海灘。如此眾多嘅玩樂元素，加上喺任何場地都可以裸體關係，令天體愛好者喺度盡情享受箇中嘅樂趣，故此被公認為全球最佳裸體度假中心之一。
撰文：魂