沒有最假，只有更假！用嚟形容裸模Janine Clark最貼切不過！早前有單「國際新聞」，話說有「真人芭比」之稱嘅烏克蘭索妹Valeria Lukyanova，喺萬聖節當晚盡興回家途中被兩男圍毆，結果「膠臉」受損，據聞極有可能無法再做「芭比」添，但唔使擔心，23歲嘅Janine妹隨時可以頂替，甚至取代都得添！
睇過英國妹Janine Clark係咪覺得假到你唔信先？但佢的而且確係一名入行快近兩年嘅裸模，而事實上佢早喺2010年就做平面Model，可惜極嫩口嘅佢相頭真係不敢恭維，未知係咪不受市場歡迎，嗰段時間佢全面停工，再復出已成為報紙三頁妹，據傳媒表示完全冇人認得呢個「膠妹」係昔日平面Model，但真假都無所謂，因為阿妹一剝就搞到男人眼都凸埋，當事人話全身都真，但出嚟效果就假到冇朋友！用欣賞定挑剔角度對待，就留番畀各位喇！
自Janine失驚無神踩入裸模界，事業可謂一帆風順，憑住佢副好似食咗防腐劑嘅「膠臉」，加上純天然，大到遮住塊面嘅32E巨咪，幼到似大髀嘅24吋靚腰，以及大細剛好嘅32吋挺籮，阿妹堅稱絕對無整過，單從外表睇仲邊有得輸，難怪呢兩年佢工作都係單打獨鬥，因為根本無姊妹肯同佢合作囉！
懷疑Janine造假係好正常，網民除咗讚佢正爆，當然想了解佢點樣由一件平平無奇嘅妹豬變到今日咁索，而佢喺訪問中不諱言用唔健康減肥方法保持完美，佢話每日都可以唔食嘢，只係飲果汁及食維他命，但又常做運動及按摩，波哋先做到要大則大要細則細，佢奉勸各位姊妹咪亂試，事關佢用咗兩年時間先做到今日效果喎！而Janine喺社交網自稱之所以捱得過係因為愛心，佢嘅精神支柱係隻狗仔，每當氣餒或受到誘惑，就會攬住狗狗玩，咁就可以忘記一切，瞓醒又嚟過喎！
假如過程真係咁辛苦，今日有呢個成就都值得，而Janine亦唔會同你客氣，佢表示只接受付費工作，低俗重口味唔使預佢，一切要以美感行先，不過佢對傳媒話有項特別技能係跳鋼管舞，好歡迎各位私下搵佢表演喎，咁點解又唔公開獻技呢？
簡介：阿妹夠假但未有官方網站，想睇佢寫真最好方法係去各大收費寫真網，而細佬就鍾意去社交網如fb起阿妹底。原來佢都好勤力更新，吃喝玩樂，生活情趣無所不談，當然唔少得性感靚相吸睛，咁佢都假唔晒喎！
網址：www.facebook.com/JanineClarkModelling
出生日期：1991年9月2日
三圍：32E-24-32
身高：5呎5吋
撰文：祖