盛事直擊:博覽玩得勁 上下都咁慶

2014澳門亞洲成人博覽喺12月12日正式開幕,呢個一年一度嘅成人娛樂盛事歷來都搞得有聲有「色」,除咗為大家帶來不少新款情趣用品之外,更請來大量表演嘉賓,包括由日本空運到港嘅索爆AV女優!今年女優陣容強勁,佢哋表現落力,簡直搞到台上台下都咁慶呀!

慾女五人組

每年一到12月小弟都不期然興奮起來,原因唔係就快到平安夜,可以趁機約女仔出街,而係澳門亞洲成人博覽每年都會喺12月舉行。今年小弟同往年一樣,與同事爭崩頭終於以威逼利誘手段成功取得採訪機會,可以同一大班AV女優近距離接觸喇。今屆嘅AV女優陣容強勁,開幕第一日嘅新聞發布會當中,就同時進行新碟發布會。新碟發布同AV有關係咩?乜大家唔知家陣好多AV女優都有出唱碟咩?今次進行新碟發布嘅就係由周防雪子、友田彩也香、北川瞳、丘咲亞微莉以及彩美旬果五位人氣慾女組成嘅Pinkey喇!佢哋喺會中表示,今次嚟到澳門為最新單曲《Romantic不停》開發布會,原因係睇中大中華地區市場,仲話中港澳嘅朋友對佢哋相當支持,令Pinkey特別想將自己嘅最新力作向大家第一時間發布喎。

「猜」慶全場

新碟發布會完畢,舞台上嘅好戲就接續上演,當中包括火辣勁舞團體Bombshells以及Badboys,雖然當中有好多大隻佬,但同時仲有好多豐滿索女,佢哋身穿內衣、緊身衫上台隨音樂節拍舞動身體,以精湛舞藝配合豐乳肥臀搞到台下班觀眾個個又硬又軟,硬嘅係企定定睇表演企到雙腳硬直,軟嘅係一邊睇一邊舉機拍攝拍到手軟。眾巨乳女郎上場之後,大家都唔捨得走,因為位列2014年日本AV女優人氣榜冠軍嘅上原亞衣正式登場喇!亞衣青春嫩口又可愛,以一身中式服裝上陣更見萌味,上到台仲特別為觀眾俯身夾胸,惹來一陣尖叫!之後,亞衣仲同台下觀眾猜包剪揼,氣氛相當熱烈,個個都猜到忘形兼身。後來選出一個來自馬來西亞嘅AV迷上台玩遊戲,並送出一張簽名海報。

親手驗胸

上原亞衣忙完一輪後又轉到台下,與同行嘅絕色癡女櫻井步以及G奶慾女北川愛莉香,去到推廣由號稱真人倒模而製成嘅男用自娛器做宣傳,期間三女不斷擺出誘人姿勢鬥搶鏡,再次成功惹來全場哄動,閃光燈閃到眼都花!唔知係咪因為鬥出風頭而出問題,小弟後來得知三女出現拗撬,就算只係同場演出都唔答應,故小弟我都未能搵齊三個女優同大家打聲招呼,望大家見諒。女優們表演完畢,就稍事休息食飯去也,小弟則有時間於博覽中四圍遊,見識到唔少新出嘅情趣用品。行咗一陣,就見到一位青春索女出現,一問之下原來佢就係成人台節目女主持Lexi,阿妹佢外表斯文,但係做節目大講性經就講得頭頭是道,內裏一定相當Open喇。Lexi後來仲話好想親手驗一驗班女優到底係咪真材實料,最後就搵到身懷G奶嘅北川愛莉香嚟驗,不過阿妹全程掛住摸,狀甚享受,到底是真是假就唔記得透露喇。

澳門亞洲成人博覽2014

地點:澳門威尼斯人展會中心D廳

入場費:HK$120

日期:2014年12月14日

開放時間:11:00am至08:00pm

必到Check Point:

博覽當中情趣用品擺到通場都係,而其中一個由日本安全套品牌擺嘅攤位就娛樂與教育兼備喇。攤位免費開設安全套教室,唔係教大家點樣用套,而係由專業導師教大家點樣用器材同乳膠製造出一個安全套喎!見到一班血氣方剛嘅後生仔專心聽專心做,真係要一讚佢哋嘅安全意識喇。

網址:http://hk.on.cc/hk/bkn/cnt/lifestyle/20141212/bkn-20141212215833893-1212_00982_001.html

撰文:賢

攝影:生