索女愛上型男吸血鬼嘅橋段雖然係舊，但更老套嘅劇情只要加上香艷無比嘅場面，同埋懸疑及驚嚇嘅元素，就打造出呢本美國人氣情慾小說作品《Dead Until Dark》。著名色情小說作家Charlaine Harris筆下嘅女主角Sookie Stackhouse，係個喺小鎮酒吧工作嘅迷人女侍應，只係佢一直以嚟都冇拖拍，原來佢擁有讀心能力，因聽到男士嘅心聲搞到佢冇晒興趣。直到佢遇到讀唔到心嘅型男Bill，火速同佢發展出情慾關係。沉醉慾海嘅佢有日驚覺，原來Bill竟然係個吸血鬼，並已經殺咗佢個同事添！Sookie擔心下個會輪到自己，於是開始諗辦法點逃離魔掌。