渡海濠情：愛火難續虎頭蛇尾

第一位：豬男 辛苦咪搞

師傅話屬豬嘅朋友最怕辛苦，就算同愛侶上床纏綿，如果佢覺得係苦差，都會放軟手腳去做，當然拍拖期間愛火高燒時，佢哋會特別落力，但日子一久或由女方做主動時，佢哋就會反應一般，出嚟效果自然大打折扣，經常會引來另一半嘅不滿。如意話：「我以前有一個男朋友就係屬豬嘅，識佢頭半年床上表現不知幾咁出色，但半年後開始就變咗例行公事，仲成日話好攰，好想瞓覺，仲叫我咪搞佢添，你話咁冇癮嘅男人要嚟做乜？於是一腳踢走佢！」

第二位：雞男 保重身體

屬雞嘅男士自我意識太強，好多時都只顧自己嘅感受，如果自己有性需要，當然表現出色，但如果自己唔想或者心情唔好時，佢哋就會草草了事，表現差強人意，經常畀另一半到喉唔到肺嘅感覺。如意話：「我姊妹個男朋友就係屬雞嘅，佢話佢哋一話咗唔想做就真係勉強無幸福，夾硬親熱，只會自己受苦，而且佢哋好錫身，好多時就算正值壯年都好，佢哋都只係一次起兩次止，做多一次都會話對身體唔好，男人老狗咁怕傷身，咁你就疊埋心水做和尚啦！」

第三位：虎男 追求新鮮

屬虎嘅男士追女仔真係一流，窮追猛打，就連床上嘅表現亦都一樣，畀另一半驚喜不斷，對佢哋又愛又恨，但有一樣唔好，就係佢哋好易覺得悶，另一半要不斷有新花式刺激佢哋，佢哋至會勇猛回應，否則就表現一般。如意話：「我家陣嘅男朋友就係屬虎嘅，想佢表現好啲，每次親熱都要轉換地方，全城情侶酒店都去勻咁滯，家陣玩埋車震，睇嚟去得嘅地方都去得七七八八，遲吓要打野戰至滿足得到佢，大家有冇乜嘢地方可以提供一下呀？」

本周大吉生肖

異性運：牛、龍

桃花運：虎、蛇、猴

和合運：馬、狗、豬

如意Profile

年齡：21歲

三圍：34-23-34

撰文：小德

攝影：阿昌

玄學提供：寶源師傅