火辣直擊:日本成人展2014發放色與魅

日本成人展Japan Adult Expo 2014於14日至15日喺東京附近嘅Differ有明舉行,雖然已經曲終人散,但今屆憑住雲集日本絕大部分AV片商參與,令佢哋氣氛同魅力遠超從前,尤其係同AV迷闊別7年嘅AV Open頒獎禮重臨,梗係要去現場感受一下火熱嘅氣氛啦!

陣容強絕

2006年AV Open有16間片商角逐,2007年增加到19間,而嚟到今年,參賽片商總數多達75間並派出78套作品參賽,如此陣容嘅目的就係為咗將日本AV業界嘅力量集中,既有助未來發展又可以為AV業帶嚟新動力。大會亦隆重其事,特意搵嚟日本著名作家及評論家Terry伊藤,及時尚達人兼演員中川雅也擔任特別評審,同時又請嚟紗倉真菜、花蕾以及彩美旬果三位美乳女優擔任嘉賓主持。咪以為呢三位女優只係花瓶,其實佢哋嘅臨場應變做得相當唔錯,尤其係彩美旬果更係表現精靈,唔知第時佢會唔會轉行做主持呢?

巨乳制霸

今屆AV Open比賽形式同以往有相當大分別,事關參賽片商眾多關係,於是大會按片商作品嘅內容及製作費,分為超重量級、重量級同中量級3個級別,而每個級別各設冠、亞同季3名,務求令片商喺更公平情況下作賽,唔畀大型片商壟斷獎項,呢個做法絕對抵讚!呢三個級別嘅冠軍順次序為MOODYZ搵嚟巨乳尤物小向美奈子主演嘅重口味作品《快樂中出 後門Fxxk! 小向美奈子》、PRESTIGE嘅《100人 X 中出 上原亞衣》同埋DEEP'S嘅《顏出!女子大生限定》獲得。不過講到整個頒獎禮最重要一刻,自然係獎金額最高,高達500萬日圓(約334,000港元)嘅無差別級大獎,而佢就係由超重量級組別嘅王者,MOODYZ嘅作品再下一城,捧走獎盃同獎金之餘,更打破咗S1三連霸嘅美夢!

網址:http://hk.on.cc/hk/bkn/cnt/lifestyle/20141115/bkn-20141115115701689-1115_00982_001.html?section=all

展場加映 玩得火熱

咪以為完咗AV Open,成個JAE就冇晒嘢睇喎!事實上喺頒獎禮進行嘅同時,會場另一邊同樣玩得火熱。事關今年JAE嘅主題係有成過百位AV女優於展場現身,雖然大會早就宣布會實施人潮管制,但現場仍然係逼到爆,就等小記為大家介紹幾個吸睛位啦!

網址:http://hk.on.cc/hk/bkn/cnt/lifestyle/20141115/bkn-20141115130403132-1115_00982_001.html?section=all

吸睛位1:SOD攝影舞台

一入到場就聽到SOD個檔位傳嚟一輪又一輪起哄聲,原來佢哋搞咗個攝影舞台,喺限時內有唔同嘅AV女優現身台上任粉絲影相,只係限時一到,工作人員就會拉埋塊簾,到時想影嘅話就要畀錢喇!

吸睛位2:Alice Japan & Max-A 原味誘惑

Alice Japan & Max-A合組一個檔位,恃住女多,喺每個鐘頭都有兩位女優現身兼且永冇重複。咁都未算特別,佢哋仲要玩埋原味T恤,指住佢件衫就識得即刻除落嚟畀你,另加限時任影超誘惑甫士,真係好有癡漢Feel呀!

吸睛位3:桃太郎 愛的人妻

AV嘅人妻妄想題材大家就睇得多,估唔到桃太郎竟然會將佢帶到AV迷面前,兼且可以同佢試吓人妻嘅滋味添!玩家只要買咗隻女優嘅作品,就可以攪珠睇吓有乜嘢服務可試,聞說大獎相當激,只係未見有人抽中過囉!

吸睛位4:PRESTIGE 遊戲多多

女優同AV迷玩遊戲,驟耳聽落去好似冇乜新鮮感,只係呢個檔口就唔同,遊戲種類多多,從摸手估女優、女優靚聲錄畀你、齊齊打網球等等,真係乜嘢遊戲都有得玩,難怪排隊去玩嘅人龍長時間處於高峰期啦!

撰文:魂