家陣唔少頒獎禮及選美比賽都舉行全民投票，獲得最多票數嘅就成為獎項得主。不過，市民大眾同業界資深人士嘅眼光可能有所不同，咁點樣先可以取得平衡，令各個獎項都實至名歸呢？好似美國四仔界大型頒獎禮NightMoves Awards咁將每個獎項分為粉絲投票及業界之選咪得囉！
NightMoves Awards（簡稱NMA）係美國四仔業界歷史悠久嘅頒獎典禮之一，始創於1993年，僅次於AVN Awards以及XRCO Awards。NMA規模之大以及頒發獎項數目不下於前兩者之外，最獲得廣大四仔迷認同嘅，係NMA為首個將粉絲投票納為得獎要素嘅頒獎禮，做到公開公平公正。NMA仲同一時間將每個獎項增設業界之選，令獎項得到粉絲認同之餘，更加可以歸納業界意見，取得雙方平衡，咁就唔會有人話唔公平啦！而喺剛過去嘅10月12日，NMA已經順利舉行，大家Click入去網站「nightmovesonline.com」可以重溫當晚嘅頒獎實況，之但係要先畀錢入會至有得睇。咁家陣，小弟就為大家回顧當晚有幾春光四射，以及多個獎項花落誰家啦！
NMA係四仔界盛事，舉行當晚認真係盛放空前，有大量四仔脫星以及製作人出席。當晚嘅司儀同樣來頭不小，女司儀係Sunny Lane，阿妹由出道以來喺各大頒獎禮橫掃多個獎項，而男司儀就係被列入50大四仔男星嘅Ron Jeremy。喺頒獎之前，舞台上先上演一場刺激又香艷嘅全裸鋼管舞以及裸女噴火雜技，令現場觀眾睇到火都嚟！之後就進入正題，由粉絲同業界人士即場投票，屬於大獎嘅年度最佳表現獎，人氣旺盛嘅紋身辣妹Bonnie Rotten獲得最多粉絲投票而奪獎，嫩口又靚女嘅金髮美人兒Remy LaCroix則得到最多業界支持而獲獎；最佳新星就由Carter Cruise（粉絲投票）以及Keisha Grey（業界之選）奪得；至於最索胴體獎就由Riley Steele（粉絲投票）以及Asa Akira（業界之選）奪得。由於獎項太多，篇幅有限未能詳述，大家想知道其他獎項誰屬，可以上網睇睇。
撰文：賢